مرثية الشاعر غازي بن عون في المرحوم بأذن الله ( طلال الرشيد )

[فهد الزيادي]

مرحوم يا شيخ الجبل ريف الأضياف
يا الماجد اللـي مـال جـوده نهيـا
اللي لطرق الجود و المجد ميـلاف
وعلـى بقايـا مجـد الأجدادعـيـا
اللي من الأجداد في شخصه أوصاف
اهـل المـكـارم و الوفاوالحمـيـا
اهل العطايا مروية حدب الأسياف
ملاجي المظيوم شيخان طيا
لراياتهم في قمـة المجـد رفـراف
وفي ظلهم شاكـي الهجيـر يتفيـا
وطلال عدّا في حجا كـل مشـراف
ويطمح لمصعـاد القمـر والثريـا
وصوف النجابه فيه كلٍ لهـا شـاف
وهو في زهور العمر تـوّه صبيـا
بالجود اله شفٍ نفل كـل الاشفـاف
ماهـوب غمـر ٍ يقنعـه مـا تهيـا
ابحر بيمٍّ هايج ٍ مـا لهـا طـراف
تلاطـم امواجـه مهـبـه عتـيـا
اله الصبر دانوق والعـزم مجـداف
مواصـل ٍ سيـره صبـاح وعشيـا
لين انه احيا مجد الاسلاف واضـاف
لامجادهـم مجـدٍ طليـق المحـيـا
والموت درب ٍ للبشر ياابـو نـواف
وما صار للمومـن مـن الله محيـا
واللي يخل الفجعه اضعاف الاضعاف
موتتك يـا بحـر النـدى هالسويـا
واللي يخلينـا كثيريـن الاحسـاف
موتك على يديـن الخـوارج كذيّـا
واللي جعلنا نفرك بطـون الاكفـاف
موتك كذيا مـا وخـذ بـك قضيـا
ولو منهم اخذنا لك فـراش ولحـاف
انت وسواد الناس مـا انتـم سويـا
وقتلك غدر يدم الضماير والالجـاف
تقتل علـى يديـن الخـوارج بريّـا
اللي لهم في ماضي الهجره اسـلاف
اللـي قتـل عثمـان واللـي عليـا
واليـوم يقتـل فالجزائـر بـالالاف
ومنهجهم الخاطـي وصلنـا هنيّـا
يبون باسم الدين تحقيـق الاهـداف
وبـدوا بتفجيـر الخبـر والعلـيّـا
وفجّر بغرناطـه مهيـن ٍوحـلاف
وبشبيليـا ومجمـعـات المحـيّـا
وياللي هرم جودك على النايفه نـاف
الموت مكتـوبٍ علـى كـل حيـا
عسـاك فالمـاوى بجنـاتٍ الفـاف
يحـط لـك فيهـا مكـان ٍ علـيـا

آخر تعديل فهد الزيادي يوم 16-Mar-2008 في 06:28 PM.

[ابن البجاديه]

مشكور

و
يعطيك العافيه

والله يرحم اموات المسلمين

[شجاع السواط]

الاخ فهد الزيادي

سلمت على اختيارك الموفق ..

غازي بن عون قامه شعريه تستحق الاحتفاء والاهتمام ..

صح السان الشاعر غازي بن عون ..

ومشكور على الاختيار ..

اخوك

[دندون عتيبه]

بيض الله وجهه الشاعر / غازي بن عون انا اشهد انه فحـــل في الشعــر



والله يرحـــم (( طـــــــــــــلال الـــرشـــــــيـــــــــد ))

[محب الهيلا]

يعطيك العافية

مشكور وماقصرت

[فهد الزيادي]

بيض الله وجهكم على المرور الرائع

[عبدالله الجـــذع]

صح لسان العلم غازي بن عون..

والله يرحم الأمير طلال الرشيــد ..

مشكور يالغالي...

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فهد الزيادي]

مشكور ياعبدالله على المرور

[***ابن سعدون***]

يعطيك العافية على النقل

[فهد الزيادي]

مشكور يابن سعدون على المرور الرائع