قصيدة فيصل السواط في ( زيارة بوش ) ومجاراة خالد الهبيري لها ..

[بدرالهبيري]

السلام عليكم ورحمة الله وبركاته ..

الاخوان في منتدى الهيلا اقدم
لكم قصيده للشاعر فيصل السواط
ومجاراه لها من الشاعر خالد الهبـيـري ..



قصيـــــــــدة الشاعر فيصل السواط

يامرحبـا يابـوش والله يحيـيـك
ترحيبةٍ تستاهل عيونـك الـزرق

يامرحبـا والله يعـزك ويحميـك
يدنّ لك رعّاد ويلـوح لـك بـرق

يامعرّب الجديـن سيْـد المماليـك
عدّ بقدم رجلك على روسنـا وارق

شرّفت بديـار العـرب يامعاليـك
ياللي فتوحاتك من الغرب للشـرق

بالروح والأجسـاد والـدم نفديـك
ياللي حرقت قلوبنا بالفرح حـرق

دلّتـك مـن دم اليتـام الصعاليـك
وواجبك من صيدك ولا عندنا فرق

والعود من عظم اشقر بالبلاجيـك
والجمر من قلبٍ تفحم على الورق

ان جيت وان ماجيت لابد نرضيـك
ونعاهدك بمعاهـده مالهـا خـرق

ومن دون ماتطلب ترانا بنعطيـك
ولاهيب محسوبه من وجيهنا سرق

تراك وسط ارضك وربعك واهاليك
ومحبتك مزروقـةٍ فالحشـا زرق

يسلم لنا قلبك وخشمـك واذانيـك
ياللي تغني كل يـومٍ علـى طـرق

ولا عندنا الا مرحبـا الله يحييـك
ترحيبةٍ تستاهل عيونـك الـزرق

===
وهذه مجاراه لقصيدة الشاعر /فيصل السواط
من الشاعر / خالد الهـبـيـري

يابوش لاحيـيت قصــرت خطــاويـك
وزيارتك هذي بها الحــب والــدرق

بغداد راحت ياالمـريكي على ايديك
راحت تجارتها على النهب والسرق

ملعـون جـد وخـطتـك فن تكتـيك
وبغـداد والبصره وكابل على الحـرق

ورايس علـى اوامــرك تاخـذ وتعطيك
الكلبه الـلي مالـها بالبـشر عــرق

وكثر الــدعا عـيا يصيبك ومخـــطيك
وباسباب قـل ايماننا يـبرق الـــبرق

ويابوش تكفى لاتعــزوى عـــزاويـك
تـرى القلوب مشتته والــبلا شــرق

والغصب شين وغصب نرضى ونرضيك
عطنا اعـلومك واستمع كثرة القرق

وغـداك وضيافتك من مطعم الـبيك
وهارديز مثله بلعـته مابــها فــرق

وياسواط في قافــك بقـافي مجاريك
لو ان في قافك صعوبه على الطرق

واقـول شاعر والشهــاده معـــانـيك
سباح ببحور ٍولاتامن الــغرق

منقول ..
اتمنى ان تعجب الجميع ..

تحياتي وتقديري .. بدرعيد ..

آخر تعديل بدرالهبيري يوم 04-Mar-2008 في 02:30 AM.

[عبدالرحمن الهيلوم]

صح السانه مشكوووووووووووووور يالغالي

[محب الهيلا]

مشكور وماقصرت

على النقل

[بدرالهبيري]

الاخ عبد الرحمن الهيلوم صح بدنك عن
الاثنين بالنيابه عنهم وبارك الله فيك ..
تحياتي وتقديري .. بدرعيد ..

[عبدالله الجـــذع]

قصيده ساخره من الشاعر الكبير فيصل السواط..


والمجاراه كانت رائعه ايضا..

صحت السنت لشعار..

مشكور ع النقل..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا