محاورة بين حبيب العازمي العتيبي وابن عتقان

[عبدالرحمن الهيلوم]

--------------------------------------------------------------------------------

جـرت هـذه المـحـاورة يــو الثـلاثـاء
الموافق 23/6/1425هـ بقصر الروابي بجدة




حــبـــيـــب الــعـــازمـــي
سلامي سلام مسيـرٍ يطـرق البـاب على سايـر العربـان ماهـو بغـادي
أنـا ياكبـار سليـم للحـق طــلاب أنادي ولا ادري من يجيـب المنـادي


عــبــدالله بـــــن عـتــقــان
هلا مرحبا ياضيـف مليـون ترحـاب على سنـة الأسـلام والجـو هـادي
تنادي يأبو فيصل بدون أيـة أسبـاب تراهـا مواقـف بالسيـوف الحـدادي


حــبـــيـــب الــعـــازمـــي
نعـد الليالـي مالهـا عـد وحسـاب وبين البحـر والضلـع تسعيـن وادي
تشوف النجوم وتحسب إن القمر غاب وأنا أعرف هبوبك حـر وألا بـرادي


عــبــدالله بـــــن عـتــقــان
ليا سلمت اللحيـه وسلمـن الأشنـاب لا تسمع لنشـره عابـره فالـروادي
يجوز إن به ناسٍ يثيـرون الأرهـاب يبون النصر يقضي علـى الإتحـادي


حــبـــيـــب الــعـــازمـــي
يازين المروه لو على قطـع الأرقـاب وراع المطيـه محتفـظ بالـشـدادي
أنا مارتفع ضغطي على حرق الأعصاب أعرف المنافـق والكـذوب الربـادي


عــبــدالله بـــــن عـتــقــان
وأنا مأعتبرت الرجل مخطي ولا صاب ياليـت أعتقـادك يتفـق بعتـقـادي
تعجلـت يالروقـي بتاريـخ الأنسـاب وأنا حاسب إنـك بالحيـاة أقتصـادي


حــبـــيـــب الــعـــازمـــي
مزال القلوب إنظاف والنـور جـذاب أبمزح معك واللي حصل شـي عـادي
يقولون قلع الضرس يثر على النـاب وأنا أقول قلع الضرس مفروض بـادي


عــبــدالله بـــــن عـتــقــان
أنا معك فالوقفـه بسيـفٍ ومشعـاب ولا أمزح معك لو كنت غايـة مـرادي
قلعنا الضروس وهونت كـل الأحـزاب وهالحيـن مافيهـا عنـاد وجهـادي


حــبـــيـــب الــعـــازمـــي
على طاري المشعاب والرمح وذيـاب مشاعيبكـم كثـرت سـواة الجـرادي
إذا ماهداك الله تـرى فيـك مضـراب وهات الفتيلـه عنـد خشـم الزنـادي


عــبــدالله بـــــن عـتــقــان
مشاعيبنا فالروس سوت لها أعجـاب وخلتك تهرب مـن عشيـرة وغـادي
وياكم من هرجة عطـت كـل مجنـاب ولا دنسـت قـوم الثيـاب الجـدادي

[عبدالله الجـــذع]

محاوره رائعه جدا..

صحت السنت الشعار ..

ومشكور يالغالي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عبدالرحمن الهيلوم]

مشكوووووووووووورين علي المرور يالغالين

[دوسي زهراني]

ابداااع محـاوره رائعــه بين الشبــح والعنيــد وصـح لســانهم والله يعــافي ناقل الموضوع ..
























تحيــات عــاشق الاهــلي الملكــي وجمهــوره

نــايــف الدوســي الزهـــراني

[عتيبي وافتخربربعي511]

محاوره رائعه جدا..

صحت السنت الشعار

[عبدالرحمن الهيلوم]

مشكوووووووووووورين علي المرور يالغالين