مجندل الشعار

[مجندل الشعار]

سلام الله سلام مجندل الشعـار والشعـار=لو ان اعدادها زادت نسرحها نضويهـا !!
والا ياليل وين القى ..حكيم يصخر الاشعار=ماهو باللي على الدجه يخمخمها ويخطيها!!

[سلمان الروقي]

هلا يامرحبابك من صميم الراس والدم حار=على وضح النقاء يامجندل الشعار نهديها
تهقوا والهقاوي يامجندل كلبوها كبار=ترى بعض الهقاوي تتعب الهاقي ياهاقيها

[مجندل الشعار]

انا بنشدك وانت تاجر تدري الاسعار =وش اللي تشتقي برخيصها وتعاف غاليها !!
ليا جتك العلوم كبار لاتبلش ولاتحتار =ولو ان الكبيره خابرك مانته براعيها!!

[نواف العازمي]

مجندل الشعار
سلمان الروقي
صحت ابدانكم والسنتكم
واااصلوووو

[عيد العازمي]

مجندل الشعار
سلمان الروقي
صحت السنتكم

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[سلمان الروقي]

بطاقات اتصال النت وأنشد حاظر الحظار=تراه واضحه والناس تاخذها وتعطيها
ترى الليره ولوطال الزمن ماتطرح الدولار=حقيقه وانت تعرفها ولاحد(ن)جاهل(ن)فيها

[معجب العتيبي]

صحة السنتكم

مجندل الشعار بداية شاعر
وسلمان الروقي رد وافي ومايتاج شهاده


ملاحظه: الاخ مجندل اعتقد انك نسيت حرف الجر(عن)
في بيتك

انا بنشدك وانـت تاجـر تـدري الاسعـار=وش اللي تشتقي برخيصها وتعاف غاليها !!

[معجب العتيبي]

المشاركة الأصلية كتبت بواسطة سلمان الروقي

بطاقات اتصال النت وأنشد حاظر الحظار=تراها واضحه والناس تاخذها وتعطيها
ترى الليره ولوطال الزمن ماتطرح الدولار=حقيقه وانت تعرفها ولاحد(ن)جاهل(ن)فيها

لله درك من شاعر
رد وافي واعتقد انه بلغة الشباب في الثمانيات

بس انتبه لحرف الالف لاتبلعه هههه في (تراها)

[سلمان الروقي]

ذيب العوازم

العازمـي

معجب العتيبـي (سارح البال)


صح بدنكم جميـع


وشرفتونا وزدتو الصفحه نور بمروركم العطر..

تحيـاتي,,,

[زحزيح]

بطاقات اتصال النت وأنشد حاظر الحظـار
تراه واضحه والناس تاخذهـا وتعطيهـا

صحـت السنتكـم ووافـي يـأ سلمـان