بدون مقدمات يا ابناء العم وانتم جميعكم اعلم مني والله فوق الجميع عالم مشاركه بسيطه وارجوا ان ترتقي لذائقتكم
لعين الذوق لاخايل وسمع الجزل للرعاد=سحاب ٍ شلشل أبغزره بعد مالاحت ابروقه
يشق الصمت بلحونه علي واد الورق وراد=يساقي مزرع الابداع ونخل ٍ دنٌت اعذوقه
تطاولت وجنيت وجهد من يبذل يبين اوكاد=ليا ضف العرق واسترسل الافراح بعروقه
انقي زينها ابخالي واكحل رمشها ابمرواد=ولاغار القلم من دفتري لاضم معشوقه
علي شانه يصافح نشوة الذواق والنقاد=وكل ٍ معجبه رسمه ويحكم غيره ابذوقه
وانا حاكم من النظره بفضل أمرايتي والحاد=انقد بالجزل والهزل شعرة دقن محلوقه
بعير الفكر لويبرك يجية امن الشعور اقراد=يوقف شاهقه حل القياد وبالفضا أسوقه
تعلمت وتحديت العواقب في ثرى الاصفاد=مكبل في صدور اليوم واحلوق امس مخنوقه
صنعت آمال من حولي بلامركب ولامنطاد=طلعت اجبال ودرت ابحور والاحباط ما احوقه
ظلام الليل والصبح وعيون الذيب والحساد=تحفزني علي اكمال المسير ابغرب واشروقه
اواصل واثق الخطوه علي لحن البيوت انقاد=بدربه ما اقتبست ولا نهجت افكار مطروقه
كتبتك ياالقصيد ونظرتي ماتلحق الا الغاد=عن الشعار والترديد ماحد الفكر طوقه
قنصت ابجرهديات الخيال وغابة التنهاد=نذر ما اورد الا بالضباء والغير معتوقه
شحذت الهمه ان خضت المهمه كني ابغداد=اجهز محزمي واعارك القيفان واطروقه
جهاد وسمك فكر وطب واصدوره تمد اوتاد=تلف العجز بالمعنى ومن تحته ومن فوقه
تسلسل واستحال ومسهله تصعب علي النشاد=والاكيد الشعر ملح السوالف وأنعش احلوقه
بطونه فهم واكوابه تمرس والتثقف زاد=ونهر المعرفه يجري وزاد الغالي ابسوقه
مداهيله جراد وفي مسافاته بحر وابلاد=احد يغرف واحد يبني علي الصفحات طاروقه
تليم مبدع وناقد وشاعر لاقط وقصاد=علي تفعيلة الساحه فعولن فعله ايروقه
يبدأ الواو والا الشين والميم استصده ضاد=بحسب الكيف وهم النفس والنيات مشنوقه
تخالط سودها بالبيض واصوات العرب تزداد=تحركهم عيون الكذب والتصنيع واشدوقه
طفشنا امن القناوات وتريونا علي الميعاد=وشجع واحتمي يادم لابن العم واسبوقه
انا بعلم متى يعطى القصيد الحق دون ارداد=ومتى نترك فخر لأنساب بالاسلام محروقه
آخر تعديل سههم العضيان يوم 23-Feb-2008 في 01:58 AM.
« آخـــر الـــمـــشـــاركــــات »
23-Feb-2008, 01:56 AM
طفشنا امن القناوات وتريونا علي الميعاد / وشجع واحتمي يادم لابن العم واسبوقه (قصيده)
العرض العادي
