ياغــّزة ابكي دمعة(ن) محروقه ....... لين القـــلم ينــــزف حبر لوراقي - الهيـــــــــــــلا *** منتدى قبيلة عتيبة

ولـد روق الرسمي · 18-Feb-2008, 08:26 AM

قصيدة أعجبتني وأحببن أن أنقلها اليكم وهي للشاعر: عماد بن عبيد العجيّان

إنذار شاعر

نـــــاد الطبيب الله يفشّل ســوقه ....... مــــايقدر الـرّاقي علـى خفّـــاقي

تلـّيتني تـــل الوحـــــش لسبوقه ....... ياجرحي اللي في عميق اعماقي

مدري تصيب القلب والا عروقه ....... اونســك والعقل الغبـي مافــاقي

قــل للـــعرب بيبــــانهم مطقوقه ....... والله مـــاندري وش اللّــي باقي

المســلمين جيــوبهم مشقـــوقه ....... حـــياتهم فـــالذّل مــــاتــــنطاقي

ياغــّزة ابكي دمعة(ن) محروقه ....... لين القـــلم ينــــزف حبر لوراقي

انا عزيز(ن) من عيال الــروقه ....... وانتــي عزيــزه بالمقــام الرّاقي

واااعيـني اللي كنها مصـفوقه ....... مدري تقول الـــــــدم فيها ساقي

متـــى تعـــود الديره المسروقه ....... اللّــي ســرقها الخاين السـراقي

أمـّـه غبّـيه جــــــاهله مطفوقه ....... والله مـــاندري وش اللّــي باقي