محاور بين خلف المشعان العنزي وحامد زيد

[عبدالرحمن الهيلوم]

محاور بين خلف المشعان العنزي وحامد زيد
السلام عليكم ورحمة الله وبركاته
:

تحيه طيبه لكم جميعاً ...//... محاوره جرت بين شبل الشمال
(( خلف المشعان ))

والشاعر (( حامد زيد ))

في احدى المنتديات وحبيت اني انقلها لكم هنا علها تعجبكم ...//...

(( خلف المشعان ))
تعال .. نتعلل ياحامد زيد
ودي بطاروق معك .. إذا سمحت ..
:
سلام من شبل الشمال .. افمحله
______________________ للشاعراللي مايبيله شهاده

كان انت حامد زيد .. فالحمد لله
______________________ والا الزياده ماعلينا زياده

(( حامد زيد ))
خل السوالف بيننا مسفهله
______________________ يالشاعراللي تستحق الاشاده

ان جاك حامد جالك الشعر كله
______________________ لكن بوصيك التزم بالركاده

(( خلف المشعان ))
يامرحبا... لا جيت نعطيك فله
______________________ نمدهالك لا بغيت بهواده


الشعر .. درب وصار كلٍ يدله..
______________________ لكن .. قليل اللي براسه قراده

(( حامد زيد ))
ارحب وكلن مننا في محله
______________________ و الكل منا عارفن وش مراده

لو كل شاعر له جماعه وشله
______________________ انا الوحيد اللي وقفت بحياده


(( خلف المشعان ))
لاتسبّــــــــــــق .. بسيفك علي وتسله
______________________ كل ٍ على ماقيل يركب جواده

لين .. نتلاقى .. وسط ميدان ( زله )
______________________ محدٍ معاي .. وناطرك .. بالحماده



(( حامد زيد ))
قلنا وقلنا والسوالف ممله
______________________ عطني علومك لا تسولف زياده

باكر دوامي وانت لي صرت عله
______________________ اسهرتني وانا وراي الوساده


(( خلف المشعان ))

بعض النخل .. ماهو على شوف ظله
______________________ اغرتني عذوقه .. وشفت السواده

اثر السواده .. فوق راسك مظله
______________________ متسلقي ٍ .. والله يرزق عباده
لا تسري القاف الله يطولي بعمرك ... مهو انا اللي يعلمك


(( حامد زيد ))
لان البدايه كانت عندك فمن البديهي ان تكون النهايه عندي.... لذا:
=======================================
ما هو ب انا اللي في قوافيه خله
______________________ الشعر انا ملحه ومايه وزاده

اوثق قياده ... بحبري واحله
______________________ واقيده وارجع واحلل قياده
(( خلف المشعان ))
سلمت .. سلمت .. يالذيب ..
الجايات اكثر

ابشر بمن يعقدلك حبالها عقـــْـد
______________________ فالمقبلات ... ان كان ربك .. كتبها

لو حاولوا فيها هل الشعر والنقـــــــد
______________________ لا من نصبها .. الشبل .. محد ٍ قربها كفيت ووفيت .. يالعازمي

[يزن الهيلوم]

خلف العنزي شاعر اعتقد نظم اجزل 00شكرا ياعم

[عبدالله الجـــذع]

محاوره جميله ..

مشكور يابوداحم وماقصرت..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[دوسي زهراني]

الف شكــر يالهلــيوم ..






























تحيـــات عـــاشــق الاهلــي وجمهـــوره

نـــايــف الدوســي الزهــــراني

[عبدالرحمن الهيلوم]

مشكووورين علي المرورر يالغالين

[ابو فايح]

لاهنت ابو داحم ولكن أعتقد أنها محاوره ركيكه رغم شاعرية الاثنين في النظم .

التوقيع

عالم تويتر abofayeh@

[بدر الديحاني]

محاوره اكثر من رائعه

عبدالرحمن بارك الله بك

[عبدالرحمن الهيلوم]

مشكووووووورين علي المررررور