قصة ضياع وما تلاقت بها أحـروف=ودم عمري سـاح فيهـا ومـا سـاح
أطراف شمسي يعمها غيـم وكسـوف=والليل طرشم مابـدا نـور مصبـاح
اعلق آمالـي علـى خـوط مقطـوف=وانثر على خد الأسـى بـذر ولقـاح
تتبعثر أفكاري وهي كانت أصفـوف=جيز الورق لامن غدت حوله أريـاح
أبى زماني يرحـم الحـال ويـروف=وأقـوم أدور للونـس بـأي مفتـاح
حلفت مااتنهـت ولااقـول ابـد أوف=بأقطف من الدنيـا عناقيـد الأفـراح
الأرض منها خاطري صابه أعزوف=عزف الجبـان أليـا تـروع بسفـاح
يدور في راسي فكـر غيـر مألـوف=وألـف هالعالـم كمـا لـف مسبـاح
نفلهـا ونقـول هالوقـت معـيـوف=ونحوم عالي وحدرنـا هـم وجـراح
بقلع على بسطـي عطاردواباطـوف=سبعه كواكـب كلهـا اليـوم بأجتـاح
بنيت في كوكب زحل عرش وسقوف=من فوق عرشـي بيرقـي دوم لـواح
لي ضوء شيخن قادت ألدارها أضيوف=شبابهـا يـوقـد سمرمااوقـدالـواح
وللعود الأزرق قلبي مشتاق ملهـوف=يشمه اللـي خلـف صنعـاء اذافـاح
احاوش اللي يشتكي لي من أظـروف=وأقول لايهمك ترى الضيـق ينـزاح
هات العلوم وردها جـوف مظـروف=وابشر وأنـا اللـي للمطايـب منـاح
ماعاد يشغلني الـذي فـات مسلـوف=غلطان من يندم على الشيء أذا بـاح
ومن حط بستانه على السيل مجـروف=جاهـل ولكـن مانفـع جهـل فـلاح
اقلع كواكـب بـس بالواقـع وقـوف=وقفة خفيـرا شايـل أبجنبـه أسـلاح
عناقيدالافراح
العرض العادي
