غباء الشاب السعودي في امريكا ؟!!

[يكفي اخر اسمي]

بسم الله الرحمن الرحيم

السلام عليكم ورحمة الله وبركاته...

ياجماعة اليوم كان عندي واحد بالمنزل وعطاني قصة شاب (ولد نعمة كما نقول ) سعودي بأمريكا

القصة تقول إن الشاب هذا كان يبي يسافر للسعودية ، راح الى أحد البنوك بنيويورك وقدم على طلب سلفة 5000 دولار

البنك يمكن عنده نظام إنه لازم يرهن شي اذا كان المبلغ بالمستوى هذا

طلب موظف البنك من السعودي شي يرهنه أو ان فيه دخل يغطي لهم علشان السداد فيما بعد

المهم السعودي قال ماعندي غير سيارتي وقيمتها تساوي حوالي 100 ألف دولار

وأنا مستعد أرهنها بس أحصل على المبلغ

استغرب موظفين البنك وماكان منهم إلا الضحك لحماقة الشاب

وأخذوا سيارته للأمانات
سافر الشاب السعودية وبعد شهر رجع لهم وعطاهم المبلغ مع الفائدة اللي كانت 16 دولار وأخذ سيارته

تقدم واحد من الموظفين بالبنك وقال له يعني معقوله معك سيارة بالقيمة هذي ومامعك 5000 دولار
قال بهدوء لأ
لكن فيه مكان بنيويورك يحفظ سيارتك الثمينه كل المدة هذي ب16 دولار

أتمنى ان القصة جيدة وان طرحي لها جيد
ودمتم ،،،

[محب الهيلا]

الله يهديك يايكفي اخر اسمي

انت راد على موضوعي حق التفحيط وتقول مشكور يابوداحم

وشافك مان من العتبان وقال مثلك

وراح تعبي بلاش

هههههههه

مشكور وماقصرت على القصة والله هذا السعودي طلع عنده عقل

ماشاء الله عليه

[يكفي اخر اسمي]

هههههههههههههههههههههههههههههه

العتب على النظر

وعلى العموم كلنا اخوان يامحب ولا فيه فرق لابينك ولا بين ابو داحم

حياك الله ولاهنت على مشاركتك ياولد العم

[يكفي اخر اسمي]

ههههههههههههههههههههههههههه

يامحب الله يهداك لفيت لي راسي
ياخي رجعت لموضوعك وكلامي فيه صح وكتبت لك شرح لردي على الهيلوم هناك

[محب الهيلا]

يابن الحلال انت لخبطني يوم انك قلت ابو داحم وانا احسب انك تحسب

الموضوع لبوداحم

تراني اسف والله العظيم

وحنا اخر الليل المخ بدا يقفل

[ابوراكان2000]

اذاالقصة حقيقيه ماشاء الله عليه هذا السعودي حسبها صح

مشكور ماقصرت

[Man من العتبان]

قصه رائعه بينت ذكاء الشاب السعودي ضحك عليهم فالنهايه

الشي بالشي يذكر . . بس هذي عملية نصب واحتيال في ارقى محلات الالماس في لندن .

خليجي عنده الالماس مضروب او بلغتنا فالصووو يعني اي شي

رهنها في محل راقي للالماس عشان يبيعونهاا واخذ منهم ورقة من المحل عشان يثبت انه راهنها للبيع في المحل جاهم بعد يومين قالهم ماهي لي هذي مضروبه وسوا نفسه يفحصهاا بالعدسه حقتهم قال ابدا" ماهي ليانتوا بدلتوهااا . ورفع عليهم قضية وكسب مليونين جنيه استرليني .

وقالوا عنها انها اكبر عملية نصب في عالم الالماس

ويقال انه في فيلم امريكي فيها نفس المشهد هذا مقتبس من صاحبنا الخليجي .

هذا ما سمعته من احد الشباب والله اعلم .

واسف على المداخله يا يكفي اخر اسمي

ودمت بود

[راعي البلهـا]

القصـــــــــــــــــه رائعه
وانــــــــــــــت اروووووع

لاكن تبي الصراحه والا بنت عمها . انت قريتها مدري سمعهتا
وجازت لك . ولاكن ماقدرت توصلها لنا بالشكل الي تثير إنتبهنا
كما سمعتها.
المهم انه استغل بوووووش وربعه ووقف سيارته بمبلغ زهيــد
.
........................................ الله يعطيك العافيه...................................



أنا الي قاهرني مع هذا كله ومع انا ندري انا اذكاء منهم . علا الورق لاكن الواقع غير ذالك.


حنا وين يارجال وهم وين.




تبي الجد<<< حنا جيدين بالعانه وحب استغفال الغير مع انهم زينا والمكر والاحتيال>>>

الي يخليني اقول كذا واقعنا

وشكراً وشكراً وشكراً
ترا انا زعلان علا واقعنا

[نداوي هوازن]

قصه رائعه ..
وترا صحيح كثير من الامريكان دراويش ( خصوصا في السابق ) ماهم مثل الانجليز ملكعين .
(( مره فيه طالب قطع الاشاره الحمرا ( وتعرفون قطع الاشاره بامريكا جريمه كبيره ) فوقفه البوليس واعطاه قسيمة مخالفه وموعد لمحكمة المرور -
قال لهم يا جماعه انا آسف وماني متعمد ( لكن في بلدي حنا نمشي على الضوء الاحمر ونوقف على الضوء الاخضر ) وانا جديد هنيا وما تعودت على نظامكم !!!!
قال البوليس لخويه ( صحيح انا سمعت انه في البلدان الشيوعيه الامر كما قال ).
وسامحوه وتاسفوا له بعد !!!

[القادم بقوة]

مشكوور
واللعبة لعبها صح
وراعي الاشارة شكله على نياته