سارح مساء الخير....

[سلمان الروقي]

مساء الخير ياسارح عسى البال مرتاح=بعدها تفضل يوم جالك منادي
نباء نسري الليله ليـأ نور الأصباح=وخل الفتيله عند خشٌم الزنادي

[معجب العتيبي]

هلا وغلا ياسلمان الابداع
اشوف اسمك متغير وتستاهل والا ماكنت منتبه من قبل؟
ترا ملاحظاتي ماهي دقيقه

هلا مرحبا ترحيبةٍ عطرها فاح=من القلب يسمعها الحظر والبوادي
تبا تسهر الليله وبالكف مسباح=مدام اسمك الشاعر وفوق الشدادي

[سلمان الروقي]

دقيق النظر من بعد ماحصل إوشاح=يميـٌز ,,ماميـز صاير الوضع عادي
ندور على الارباح في سوق الأرباح=عسى السوق نلقى فيه سهم(ن)ريادي

[معجب العتيبي]

دقيق النظر لامن سأل هات الافصاح=ولاهوب شمسٍ مشرقه للعبادي
تدور على الارباح والسوق ماطاح=وسهم الخشاش اصبح قوي وقيادي

[معانق سهيل]

صح السانك ياسارح وياسلمان ولاهنتم



واصلو .................................................. .........................

[معجب العتيبي]

اخوي سلمان طولت في ردك

والنوم غلاب

تصبح على خير

[سلمان الروقي]

أخبرك متابع كل الاحدث ياصاح=وتاخذ علومك عن طريق الروادي
ترى الوضع مايصلح ونادو بالاصلاح=وجيبو لكم مشرف خبير إقتصادي

[د/غسان]

صحت الالسن والابدان

[معجب العتيبي]

اتابع واشوف العلم لاجا ولا راح=وكن الامر في كف لاعب نوادي
يقولون جني الربح والجني لأرواح=وخبير التعامل ماعليه اعتمادي

[سلمان الروقي]

ترى الارض ماتنِبٌت بلا حرث فلاح=هذا العلم ثابت ماعليه انتقادي
ياسارح ليا خيلت لك بارق(ن)لاح=أدع خالقك عله يعم البلادي