بحورن سطحها صافي وداخلها مية تمساح...؟؟؟

[ثواب زيدالحارثي]

	بسم الله الرحمن الرحيم اقام ضباط وافراد لواء الملك عبدالزيز بالاحساء حفل توديع للواء سلطان بن صالح الملافح واستقبال للواء \ شلاح بن زايد بن ثعلي الروقي\ قائد اللواء الجديد وذلك يوم الاثنين الموافق 20 \2\ 1427ها..وبهذه المناسبه تشرفت بالمشاركه بهذه القصيده توديعن للواء سلطان وترحيبن باللواء شلاح\\ --------------------------------------------------------------------------------------- أنا ماهضت من حزة غروب ومن حمامن ناح = ولاكن المواقف تدفع المعنى وقيفانه وترا لولا الوفا مشتاق بالي للقصيد وباح = وعبر عن مشاعر خاطره من فيض وجدانه ليالينا عساها كلها طيب وسعد وفراح = تسلي ضايق الصدر الحزين وتجلي احزانه يصيب القلب من فرقا صناديد الرجال اجراح = سلام الله على اللي قامت الحفله على شانه سلام امن الضمير اللي بجزلات المثايل فاح = كما فوحة زهر فيضن سقاه الله بودانه وبسم مسفر مساعد حضرة القايد بدا ونباح = سنا نورن يشرع في حلول الضيف بيبانه نيابه عن لوانا اللي لبس للطايلات اوشاح = بحضرة كل ضباطه مع افراده على اركانه نوادع من تفانى للوطن واخلص وفا وكفاح = ونرحب بالخلف جعل السلف متعلين شانه وانا وشلون اوادع قايدن بقلوبنا ماراح = وفينا معه ووفانا وعهد الصدق ماخانه الا يابن ملافخ سج في نجد العذي مرتاح = وفيت ال موطنك وابليت في ساحات ميدانه مواجيب الرجال أتصونها للنايبه نطاح = ليا عقد قليل الفود للناصين حجانه يجيلك ضايق الخاطر ويرجع خاطره منساح = تقول أنه عليك ايمون يابوفيصل اميانه معاريفك وطيبك رتبتن تبقا ولا تنزاح = على متنك يابن صالح مقصاته وتيجانه زهيت ابها هنا وهناك واضح مانريد ايضاح = ومن ينكر هل المعروف منا ياجب العانه وترا مانرتجي من مدح طلقين اليمان ارباح = رجانا للعظيم الواحد المعبود سبحانه ذكرك الله بخيرن يالمزون اللي حياها طاح = لها عامين تسقي كل عطشانه وضميانه وعسا نو السحاب اللي نشوفه يوم برقه لاح = على كل الوطن يضفي جميع ابوابل امزانه موفق خير ياسلطان واهلا فيك ياشلاح = من القلب النظيف اللي يترجم شعره السانه كبيرين البخوت اللي تروح وذكرها وضاح = لها وجهن يشرفها وراسن يعلو امتانه وتعيسين البخوت اللي تموت ولالها مداح = خشاش ارضن ولو عاشت تموت ابذل ومهانه يابن ثعلي حللت وتاح لك ما لا لغيرك تاح = معازيبك ثقتها فيك موثوقه ومليانه وصناديق الوفا والطيب بيدينك لها مفتاح = ويدينك لابغيت اتفكها ماهيب بلشانه عشقت امن الرجال اللي هدفها للرجال اصلاح = ولا لدت نظرها في دروبن مالها خانه وعشقت العاقل اللي مايواجه بالصياح اصياح = ليا شاف الهبيل ايصيح مس اشعيل ببطانه يركد رمية الطايش ويعدل ساقي الفلاح = وهبا من يشعبه حس الصفير ويكثر اجنانه اعرف الما وفرقه عن سراب الما من الضحضاح = ولا نركب ببابورن حدانا فعل قبطانه بحورن سطحها صافي وداخلها مية تمساح = ودوا التمساح لاكشر جماه انكسر اسنانه ----------------------------------------------------- شعرالملازم اول \ ثواب بن زيد بن نجا الحارثي

[فهيد مقعد الرويس]

عزالله انك وفيت وكفيت

صح السانك وبيض الله وجهك يازيد


ولك مني اجمل تحيه

[فيصل المسعودي]

والله وسبعين الف نعم


في ابو فيصل


وكذلك سبعين الف نعم في ابو زايد


وصح لسانك ياثواب


على هالجزله


والغير مستغربه منك


تقبل تحياتي


فيصل المسعودي

[فواز الشيباني]

عزالله انك وفيت وكفيت

صح السانك وبيض الله وجهك يازيد

الله يعطيك العافيه

ولاهنت ياغالي

[مرزوق حمدان العتيبي]

....
.

صح لسانك ياثواب
مدحت اللي يستحقون المدح
وخير خلف لخير سلف والله يوفق الجميع .
...
لاهنت وبيض الله وجهك
......

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[خلف بن مرزوق]

00


لله درك ياثواب


قصيدة وااااافية من شاعر عرف بالجزالة



صح لساااااااانك ملياااار



تحياااااتي

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[سعد بن مطلق المقاطي]

صح لسانك يابوزيد وكلايعدماواجه
ومن حصل شي يستاهله

[مقعد الدغيلبي]

المشاركة الأصلية كتبت بواسطة مرزوق العتيبي

....
.

صح لسانك ياثواب
مدحت اللي يستحقون المدح
وخير خلف لخير سلف والله يوفق الجميع .
...
لاهنت وبيض الله وجهك
......

لله درك ياثواب على الجزاله ولاهي غريبه عليك
تحياااااااااااااتي

[ابـن نـعـيـس]

عزالله انك وفيت وكفيت

صح السانك وبيض الله وجهك يازيد

الله يعطيك العافيه


تحيااااااااااااااااااااااااااااااتي

التوقيع

[طلال العازمي]

الشاعر : ثواب زيد الحارثي

صح لسانك

جزله من راس جزل


لاهنت يالذيب

اخوك
طلال العازمي