فوضويه .. !

[فيصل الثبيتي]

مساء الكرز ..

حين يحين الشعر .. فلا مناط من الهدوء

إليكم ما يأن القلب .. /

لمّي شتات القلب .. واعفيني الشوق=الشوق خاويته .. وحسنته سيّه
وانا ما ودّي إني اموت مخنوق=من عبرةٍ بين الخويّ وخويّه !
اللي خلق من حر اهاتي حقوق=على شنبي كنّه موصّى وصيّه
اللهُ اكبر ما صرت في عوق=وانتِ على الطاري بروحه وجيّه
اقفي وادن الهاشميّه ولا اروق=وشلون اروق بدنّة الهاشميّه ؟
يا عين ابوي اللي لها ترخص النوق=يا راس مالي لو ما لي وليّه
قلبي لو انه صار للحب منطوق=من عقب ما جرب يعشق بدويه
وانا لو اني صرت للموت معشوق=وتكالبت بقعا واهلها عليّه
ولا باقي الا دمعتين ٍ من الموق=تقول وانّي فاقد ٍ والديّه
حنّي عليّ وكل مطرود ملحوق=وشوفي شويّ العلّه الداخليّه
والله لو ماني من الصبر مرزوق=ونفسي على نطح الهبايب قويّه
ولا لقيتيني من الحب مطفوق=جنّيت زخرفة الحروف النديّه !
لبّا غلاك اللي نبت بين العروق=يا لين سوّى داخلي فوضويّه
ويعيش جوّ العشق في فلسفة ذوق=ويلقى مكانه بين هذي وذيّه
وضلوع فيصل لو يوسّم بها الشوق=صوتك يرجّعها شويّه شويّه

23 / 1 / 2008


وسلامتكم ..

فيصل الثبيتي

[فارس الباديه]

صح لسانك ..

كتبت .. وأبدعت .. وارتقيت ..

دغدغت مسامعنا .. وغصت بنا في بحور الشوق

حيث الكلمات الفياضه .. والجواهر اللماعه

كم يأخذك الشوق إلى بحور الشعر .. ومرسى الإبداع

تقبل تحيتي

[عيضه الثبيتي]

اقفـي وادن الهاشمـيّـه ولا اروق
وشلون اروق بدنّـة الهاشميّـه


فيصل الثبيتي


حضور مدهش


وقصيده تدخل إلى القلب مباشره


صح الله لسانك



ياولد العم

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[فيصل الثبيتي]

مرحبا ..

تعديل .. في البيت الرابع

الله اكبر كل ما صرت في عوق=وانت ِ على الطاري بروحه وجيّه

وللجميع احترامي ..

فيصل

[فيصل الثبيتي]

الاخ العزيز فارس الباديه

دعم فائق لفيصل .. وحضور ارتقبه دوماً


اخجلني حرفك واخجلتني كلماتك ..


شكراً لك ولما كتبت .. وصح الله بدنك يا ذيبان ...


فيصل الثبيتي

[فيصل الثبيتي]

ابو فيصل ..

يا مرحبا ومسهلا ..

صح بدنك ..

وكل الشكر لحضورك السامي ..

دمت بكل ود ..

ابن عمك

[السميــــــري]

اقفـي وادن الهاشمـيّـه ولا اروق
وشلون اروق بدنّـة الهاشميّـه


مبدع يافيصل ..
ودائما انت إذا وصلت يصل الابداع ..

صح لسانك ...

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[زحزيح]

لا هنـت يالثبيتـي

وصـح السانـك

تقبـل مـروري