جديد الشاعر / محمد الدحيمي ( كرسي وزير )

[شاخوط]

لأهداء :
الى كل شاعر امتدحت شعره امرأه يعشقها الجميع











اتحـــرّى النــوّ لكن .. مانشا
والسماء لا ممطــره .. ولا مطير





ليتني يابــير .. قطعت الرشا
خير لي من هالعذاب المستــطير





(مسرع ) و(شعبان ) .. اصحاب ونشى
بيننا خوّه .. وكان الهم غير ـ





همّهم .. تكوى شمغــهم بالنشاء
وهمّي .. اداري حفاي من الهجير





كنّهم كيـس الجـراد الى انحشى
تجمـــعه منّا .. وهو منّا يطيــــر





لاسقى يوم امدحت شعري .. رشا
امدحت شعري .. ولا عينت خير





نثّـــروني بين ماظن وحشــا
ضيعـــوني في يصير وما يصير





ان رقد طرفي غشاه اللي غشى
وان سهر ساقوه في نكر ونكير





ودّهم بعصيــر .. اصلي للعشاء
والعشاء وش جابه لحزة عصير





توي ادري .. ليه غرّد وانتشى
اصغر اعصيفير .. صار اليوم طير!!!!





وكيف شعري هز ملهوف الحشا
وليه يرمـــوني على الضلع القصير





وكيف ( مسرع ) كان يعرج لامشى!!!!
و ليه (شعبان) افتخر واسمه قصير?!!!!





ياقصيدي لا غشيت ولا اغتشى
نذر مالك لاشبيه ولا خشير





واخبر الواشي ومن هوله وشى
والله ان الفرق ياشعـــري كبير





شاعرٍ ٍ مثل المــرابي لأرتـشى
وشاعر ٍ وظيفته ( كرسي وزير )





وشاعر ٍ .. يبغى لورعانه .. عشى
ومترفات الجيد ترفل بالحرير




منقول

[عبدالرحمن الهيلوم]

مشكووووووووريالغالي

[عبدالله الجـــذع]

يبغا لورعانه عشاا هع..


صح لسان الشاعر..

ولاهنــت..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محب الهيلا]

مشكور وماقصرت