يا شباب عاش في نجد العذيه

[ابن فرحان]

السلام عليكم ورحمه الله وبركاته ..

الاخوه الاعزاء .. اذا ذكر شعراء عتيبه فلا بد من ذكر ..

غازي بن عضيب الدعجاني ... ذلك الشاعر الفحل له قصائد في جميع اغراض

الشعر .. واخترت لكم من قصائده هذه القصيده .. وهي نصيحه ..
[poet font="Simplified Arabic,4,black,normal,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
يا شباب عاش في نجد العذيه=اسمحوا لي واسمعوا مني جوابي
ودي اهدي يمكم مني هديه=والهديه ما تبيع بالر بابي
طاعه المعبود هي اول بديه=واحترام الوالدين بهم تثابي
والمروة والشهامه والحميه=والمواقف لا يعيب ولا يعابي
ما يطيب لك العمل من غير نيه=كان طابت نيتك فالحظ طابي
يا وجيه بالسعد والرشد حيه=احذروا من كان خداع وهبابي
كل مغرور يقوم بمهمهيه=عقب ماهو حر ينغق كالغرابي
حقه الحرجه وحرم من الذكيه=مثل جرذي يفرخ بالخرابي
من حفظ دينه وسمته واهنيه=يكسب العليا ونعم الاكتسابي
واطلب المعبود في صبح وعشيه=ان يوفقنا الهدى درب الصوابي
واسمحوا لي يا عيالي في البقيه=يكفي المو جز ولا المعنى بغابي
[/poet]

وسلامتكم ,,, ِِ

[نوار العتيبي]

صح لسانك ولسان الشاعر

[ابو فراس]

صح لسانك ولسان من قلها


تحياتي

[فيصل محمد]

رحم الله الشاعر الكبير غازي بن عضيب الدعجاني
كم نحن بحاجه لمثل هذه النصائح..

ابن فرحان بيض الله وجهك على هذا الأختيار

[ابو وعيل]

بيض الله وجهك على هذا الاختيار الرائع


وصح لسانك ولسان الشاعر .


تحياتي

[ابن فرحان]

حياك الله يا نوار العتيبي ..


صح بدنك يا الطيب .. ومشكور على التواصل ..


تحياتي لك ,,,

[ابن فرحان]

الغالي ابو فراس ..


صح بدنك يا الطيب .. واشكرك على تواصلك الدائم ..


تحياتي لك ,,,

[ابن فرحان]

الغالي ابن محمد ..

مشكور يا عزيزي .. ووجهك ابيض .. الظاهر ان تنسيقنا يبي تنسيق ..

ولولاك ماندري وشلون تصير القصايد .. الله يعطيك العافيه ..

[ابن فرحان]

مشكور يا ابو وعيل على مرورك يا الطيب


الله يعطيك العافيه ,,,

[نهيان الحمادي]

ابن فرحان بيض الله و جهك
و مازلت اقترح وجود ديوان لهذا القسم حتى نستطيع حفظ هذة القصائد الجميلة