قصيدة الشمري في عتيبه الهيـــــــــــلا

[العتيبي فهد]

السلام عليكم ورحمة الله وبركاته




هذي قصيده للشاعر/ عذال بن عايد الاسلمي الشمري

اعدها خصيصا لملتقى الهيــــــــــــــلا

	من جبال حاتم طي مـن حائـل الامجـاد=من اجآ وسلمى واسم شمـر لـه سنـادي من دار بها يضرب مثل من صخى الاجواد=لها دون نقص بحق مـن بالفخـر جـادي نويت السفر مشتـاق مـن خاطـر منقـاد=يسوقه شغوف النفـس والشـوق يـزدادي وتوجهت لديار مـا يجهـل بهـا النشـاد=لحيث ان من بالدار من اخيـار الاجـوادي نبا الملتقى اللي يوصـف بثالـث الاعيـاد=تزامن له التوقيـت مـن بيـن الاعيـادي وغير مشاهدتهـم مالنـا مقصـد وامـراد=سوى مشاركه في جمع وافيـن الامجـادي واجب يستحقـون الثنـا والشكـر ينعـاد=على مابذلـوا فـي ملتقـى جـل الاذوادي سلامـي عليكـم عـد مايـرزم الرعـاد=حـدا نـوه النسيـم والمـزن حـشـادي سلام وتحيه صادقـه مـن عميـق افـواد=على اللابه اللي ترفـع الـراس بالمـادي هذا الملتقـى اللـي يشبـه لملتقـى ارواد=رواد عرفـات بيـوم تاسـع بالاعـدادي عنـد عتيبـه الهيـلا ولتسميـات امـراد=له اسم على مسمى علـى الفعـل شهـادي مضريـة قبـل هـوازن لهـا مـعـواد=مع مقدمه مـن ينتسـب لامـة الظـادي يكفيهم فخرفي ماروى في صحيـح اسنـاد=عن حليمه وعاصـم موثـق بالاسنـادي على سجله الماضي يضافن عليـه اجـداد=امجاد تعطرسيرتـه فـي شـذى الكـادي لهم بالحميـه بـاب مشـرع بكـل بـلاد=ليامـن نخيـت اعتيبـي جـاك متحـادي واذا استنجد المضيـوم مايلزمـون احيـاد=يطبون مضمـار المهالـك عـن منـادي ولهم وجه يحمي الزابـن ويكسـر الهـداد=عليه الحصانه عـام وشهريـن تـزدادي وكذالـك خـوي الجنـب يلتـذ بالمرقـاد=من دونه حصون وبالتواضـع لـه اولادي وبهم يستضل الجارعـن حامـي الوقـاد=فـي مابينهـم يـزدادقـدره ويعـتـادي يتبدل شهـاب الـلال فـي نسمـة لبـراد=وبالقـدر عـده شيـخ يسـود الاسيـادي كذلك بحق الضيف يـوم السنيـن ازهـاد=علاوه على الاكرام يحمـى لـه الـزادي يقومون في وسم العصـى لامشـى مـداد=يحرصون كل الحرص ماتجيه الانكـادي ويخشاه الكثير بوقت يوم السيـوف احـداد=لحيث ان فارسهـم علـى المـوت ورادي قبيله لها التاريـخ بجـزل المفاخـر شـاد=حملها على كف الفخـر فـوق الاشهـادي من اعتى قبايـل نجـد لا عـدة الانـداد=قبيلـه لـه وزنـه وثقلـه بـالاوجـادي لهـم هيبـة مايقـرب حماهـم الهـجـاد=يحسب العواقب قبـل مايكـون صيـادي وليا صارت القالات بين الخصـوم اعنـاد=يكره لقاهم مـن علـى الخصـم هـدادي لهـم وقفـة بالمعتـرك ترهـب الجـلاد=بنهار تباع الـروح مـن دون الاتـلادي محاسن كثيره ماحصـى عدهـا القصـاد=على صفحـة التاريـخ للقـاريء تنـادي كـم مؤلـف حـاول ولا كملـه بـعـداد=وتعـدا مـن التاريـخ هجـري لميـلادي محيطـه غنـي بافعالـه الغانمـه يـزداد=ولا فيه غـواص بلـغ منتهـى الهـادي تعلـت مفاخرهـا علـى قمـة الاطـواد=مع اللـي علـى معالـي الصـرح روادي رسى مجده الزاهركمـا ترسـي الاوتـاد=تشـرف بهاالامجادوهـي للفخـر نـادي ولاهي غريبه لـه رجـال لهـم مصعـاد=على ساحة الجـزلات وقـوف وقعـادي هم اهل المكارم من على ماضي الاجـداد=يوصي به ابن العـود لاحفـاد الاحفـادي وصفهم بها راع المثل في كرمهـم شـاد=صفـاة بليغـه تنبـي لـكـل نـشـادي هم لطامة العايل ليـا اكتضـت الاظـداد=وهـم ذباحـة الحايـل ليـازاره البـادي وحنا نشاركهم بالمثـل غايـة المرصـاد=عبر صيغـة اخـرى ومعنـاه متـلادي دامها للشجاعـه والكـرم رمـزه المعتـاد=من اسما الصفات الخالده بيـن الابـدادي وانا من رجال ذكرهـم مااختفـى بغمـاد=طنايـا سناعيسعلـى صـدر الامجـادي من اللابه اللي لا تعـزوت تحمـي المـاد=وكـل القبايـل نعـم صلفيـن وانـدادي وختامها بذكر اللي بسط سبع وسبع شـداد=وصلاتي وتسليمي على المصطفى الهـادي

[دوسي زهراني]

صــح لســـان صبــي شمــر والله لايهينــك على النقــل المنظــم والممــيز ..
























تحيــات عــاشق الاهلــي الملكــي وجمهــوره

نــايــف الزهــراني

[عبدالعزيز البرقاوي]

^&)§¤°^°§°^°¤§(&^الله لا يهينك يافهد ونعم في شمر اخوكم عبدالعزيز البرقاوي^&)§¤°^°§°^°¤§(&^

[عبدالرحمن الهيلوم]

مشكور يافهد وهو من شمر الغالين وقصيده تستاهله اعتيبة الهيلا

[شبل مثمله]

قبيله لها التاريـخ بجـزل المفاخـر شـاد
حملها على كف الفخـر فـوق الاشهـادي
من اعتى قبايـل نجـد لا عـدة الانـداد
قبيلـه لـه وزنـه وثقلـه بـالاوجـادي




صح لسان الشاعر الشمري
والنعم في شمر كلها

وبيض الله وجهه الشاعر على مشاعره الطيبه

الف شكر اخوي فهد على النقل الطيب

تحيتي لك

[ابو ضيف الله]

صح لسان الشاعر عذال بن عايد الاسلمي الشمري
وبصراحه اعجز عن الرد بعد هذه القصيدة الجزله

ولا اقول إلا والنعم بشمر الطنايا وساع الطعون كبار الصحون
و ببقية القبائل

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[لورانس روق]

بيض الله وجهه

وماعليهم زود

ولاشك إن الكل يفرح بخوة شمر أهل الطيب

[محب الهيلا]

صح لسانه ومشكور وماقصرت على نقل القصيدة