خلوووووها (الليل يسارح البال)

[ابو بندر]

ليل السعد توه=يباله افتوه
واللي عنه توه= ياليل ياساري

ياسارح البال البحر غدار=كم مركبا يغرق مجاديفه
نبالنا طاروق يقدح نار=يقدح ليا زانة محاريفه

[سلمان الروقي]

ابو بندرر صح لساااااااانك

سارح البااال صح لساانك مقدمآ

[ابو بندر]

المشاركة الأصلية كتبت بواسطة سلمان الروقي

ابو بندرر صح لساااااااانك

سارح البااال صح لساانك مقدمآ

صح الله بدنك وشكرا لمتابعتك

[عيد العازمي]

ابو بندرر صح لساااااااانك


طااااااروق رائع

وبانتظار سارح البال وصح لسانه مقدما

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[ابو بندر]

الاخ العازمي صح الله بدنك
ويسعدني تواجدك .

[معجب العتيبي]

ليل السعد ليلك=
ياصغير ياحليلك=
اركد وندعيلك=
ياليل ياساري=

لاتترك البابور يالبحار=خلك عليه ويبعد الخيفه
هات السوالف وانتبه تحتار=شاعر يبا يمشي على كيفه

آخر تعديل معجب العتيبي يوم 04-Jan-2008 في 09:01 PM.

[ابو بندر]

كبرت من بدري=عن العلوم ادري
في ليلة القدري= ياليل ياساري

مبروك ياشاعر من الشعار=في نخبة الشعار تعريفه
ياصاحبي ترى الفلك دوار=والوقت يا مكثر تصاريفه

[معجب العتيبي]

كبرت في ليله=
والحمل بتشيله=
يامكبر الكيله=
ياليل ياساري=

تاجر وله منزل مع التجار=والا انت مافي يدك تعريفه
محدن جهل تصريفة الاقدار=كلٍ يعيش وحسب تصنيفه

[ابو بندر]

لاينتفخ ذربك=وحوس الك شربك
وتروح امشربك= ياليل ياساري

لاتحذف العربان بالاحجار=بيتك قزاز يضر تحذيفه
وانا اعرف التاجر من النجار=منشاره يكفيه عن سيفه

[معجب العتيبي]

الخوف ياوليدي=
عليك يابعيدي=
لاربطك بيدي=
ياليل ياساري=

السيل جاكم في قفا الأمطار=فكر يابو بندر بتصريفه
تعرف يمين وتتجه ليسار=قلبي عليكم زايدن ريفه