رجال المكارم

[بدر ناصر المورقي]

هذه القصيده نشرت فى العدد=
الحالي من مجلة اوراد الشعريه=
واتمنى ان تنال اعجابكم=
////=
////=
////=
اصاحب رجال المكارم والسماح= رجل كريم شب ضو وهب ريح
لامن سمع من قال حي للفلاح= بالصف الاول ياعسى وجهه فليح
صاحب نوايا عذبةٍ مايٍ قراح= لوتنتثر بارض امتلت زهرٍ وشيح
يرحم طفل ويجل شيبان الصلاح= يقدر ويعفو دايمٍ طبعه سميح
يفزلامنه منادي الحرب صاح= ويضرب كما الاعصار تدميره صريح
مزبن لمن هو صابه الوقت بجراح= وتشفى جراحه من وجعها يستريح
خذ علم له نورٍ كما نور الصباح= يومٍ ندر في هالزمن رجلٍ نصيح
ماينقّّد من هو في وقت الضيق طاح= انقد عليه ان جازله فيه المطيح
ودرب المعالي درب ما به مستراح= دربٍ بذل وجهاد نفسٍ مايريح
والبخل لعروق العلا سمٍ ذحاح= مايرجح الميزان مع رجلٍ شحيح
ولايمكن يجيك النجاح بلا كفاح= الا اذا من مات قام من الظريح
ومن لا فشل ما ذاق لذات النجاح= ومن الخطا حنا تعلمنا الصحيح
وهرج القفا اقشر من طعون الرماح= من هو تصيبه ضاق بالكون الفسيح
ياجعل من يحكيه تذريه الرياح= ولاّ يموت ولا لقاله من يبيح
ياجعل ناصر للمكارم والسماح= جعله كريمٍ شب ضو وهب ريح
بدر ناصر المورقي=

[عبدالرحمن الهيلوم]

صح السانك يالغالي(( الاد مورق امنزحت كل غاوي اهل البخوت الي نباها بعيدي ))


سلمت ودمت يابن العم الغالي

[زيزوم مدركه]

بيض الله وجهك يابدر

قصيدة رائعة من شاعر رائع

[بدر ناصر المورقي]

الهيلوم 1340
صح بدنك والله يسلمك وشرفني مرورك
بدر المورقي

[بدر ناصر المورقي]

اخوي زيزوم مدركه الرائع والله مرورك الكريم
بدر العتيبي

[مرزوق حمدان العتيبي]

ومن لا فشل ما ذاق لذات النجـاح
ومن الخطا حنا تعلمنـا الصحيـح
..

لله درك يامبدع ...

صح لسانك يابو ناصر ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[بدر ناصر المورقي]

مشرفنا مرزوق العتيبي
صح بدنك وشرفني مرورك الكريم
بدر المورقي

[محب الهيلا]

صح لسانك

وماقصرت

[بدر ناصر المورقي]

محب الهيلا صح بدنك وحياك الله
بدر المورقي