البارحه ياروح روحي جفن عيني ماغفى - الهيـــــــــــــلا *** منتدى قبيلة عتيبة

ابراهيم الزراقي · 30-Dec-2007, 11:56 AM

هذي قصيده متواضعه انشاء الله انها تعجبكم وتكون مصافحه طيبه بعد الغياب

البارحه ياروح روحي جفن عيني ماغفى=يسهر مع نجوم السماء والنوم عيا لايجيه
يسهر على شانك ولاحصل مواري للوفا=ماجاه منك الا الجفا والصد فالوقت الكريه
ياروح روحي من هو الي دلك دروب الجفا=قلي ترى قلبي بعد فرقاك همه محتويه
الهم خيم وسط قلبي كنه جبال الشفا=والقلب ضاق من الهموم الي بها فكري يتيه
والجسم مل من السهر والليل ماوسطه دفا=الليل طالت روحته والصبح باقي نحتريه
والدمع جمع جيشه الطاغي عليه ثم لفا=واستيسر عيوني غصيبه والجفن عجزان فيه
والجرح ينزف من وسط صدري ولاحوله شفا=وين الشفا مادام مثلك صار وصله نرتجيه
والضحك عني من بعد فرقاك روح واختفى=وانا وحلمي مثل من يطرب سراب ولالقيه
والحظ عودن لانصيته صار معطيني قفا=عودن عمى مكسورتن ساقه ومكسوره يديه
والحال من يوم ماقفيت وفراقك ضفا=بالظبط كني من فقد في وقت واحد والديه
والجو عندي من بعد فرقاك ماعمره صفا=وشلون يصفى وانت هجري في حياتي مشتريه
لاكن انا بنشدك دام النور قدامي طفا=وشلون تهجر من هواك وصار وده تهتويه
وابنشدك دام الزمان ان راح مافيه حسفا=عن قلبي الي مايبي مثلي وعشقي مايبيه
وراه قلبك ياحياتي صار اشد من الصفا=مثل الذي لو مات ابو اظن مايبكي عليه
العام كنا مع بعض ماهمنا هرج الخفا=واليوم حالت بيننا الايام بلي تشتهيه
اليوم قلبي والهموم امسوا رفاقه وحلفا=ليتك تجي وتشوف قلبي كيف همي مبتليه
ليتك تحس بقلبي الي لو زعل منك عفا=ماهمته سود الليالي لو أهي عنك تحديه
واخر كلامي دام قلبك للهواء مره نفا=اسمع كلامن من لساني مابقى مثله شبيه
ان كان تبغاني ترى قلبي بحظرتك احتفى=ماهمني شين مضى والي مضى وعد انتسيه
وان كان مره ماتبيني قلت يانفسي كفى=باب الهواء والحب توبي عنه لاعد تطرقيه

مع تحيات ...ابراهيم خلف الزراقي

آخر تعديل ابراهيم الزراقي يوم 30-Dec-2007 في 12:00 PM.

عبدالرحمن الهيلوم · 30-Dec-2007, 01:30 PM

ص ح (( الســـــــــــــــــــــــــــــــــــــــــــــــ ـــــــــــــــانك ))

تقبل مروري يالغالي

أبو نجر النفيعي · 30-Dec-2007, 01:42 PM

..

ابراهيم الزراقي ..

صح لسانك مليوون .. ابيات رائعه وجزله ومعبره ..

تشد انتباه قارئها .. كتبت فأبدعت يالزراقي ..

وفي انتظار جديدك ..

.
أخوك

التوقيع

.....

عبدالله بن دبيس العتيبي · 30-Dec-2007, 02:01 PM

بسم الله الرحمن الرحيم

السلام عليكم ورحمة الله وبركاته

صح السانك ياخوي ابراهيم الزراقي والله قصيدة متميزه

وتقبلوا تحياتي

خلف العتيبي · 30-Dec-2007, 02:08 PM

صح لسانك وأعتلا شانك..

قصيده طيبه تشكر عليها..

بارك الله فيك..

خلف الدعجاني..

نايف بن ملحق الثعلي · 30-Dec-2007, 02:51 PM

صح السانك يابن زراق

قصيده جزله

دمت بخير

التوقيع

ما هوب لازم توقيع00

صنداح الزلامي · 30-Dec-2007, 08:17 PM

أبراهيم الزراقي

مبدع مبدع مبدع لك مني جزيل الشكر

لاتبخل علينا يابراهيم اتحفنا بنوادر قصيدك

انت شاعر لا ابالغ في ما اقول ولكن معجب في قصائد

والمثل يقول من طول الغيبات جاب الغنائم

سجل اعجابي بك