قسم بالله لو قلبي حدابي للمهانه يوم ^ ولو عزم وهو قلبي لاتله واقطع عروقه

[حمود الحبيل]

الاياليل لو بشكـي ابشكـي هاجسـي للنـوم=وابصرخ لو بغى حلمي يهز القلـب ويعوقـه
عرفت ان السعاده كوم وثلثين الكرامـه كـوم=وعرفت ان الزمن مهماحدابي ماجرع حروقه
عرفت ان العمر فاني واعرف ان القدر محكوم=واعز القلب لو ينزف ولوهـو عذبـه شوقـه
قسـم بالله لـو قلبـي حدابـي للمهانـه يـوم=ولو عزم وهو قلبي لأتلـه واقطـع عروقـه
اعرف اني الى مني طعنت بحربـة المقسـوم=مدام الله كتب لي شي بيجي لي يـوم واذوقـه
تعلمت ان الصبر طبعي ولا تثر علـي همـوم=امني نفسي بنفسي واعسـف الفكـر واسوقـه
اقدر خوة الطيـب ويربطنـي وفـا وسلـوم=واعاف الكاذب التايه وعمري ماطرق طروقـه
تعلمت اشلع بعزي ولا ارخي نظرتي لرخـوم=اشوف ان القمر شامخ واحس بعزتـي فوقـه
احب اليل لامنه سهابـي عـن عتـاب ولـوم=واحب اساهر نجومي واحب الصبح وشروقـه
واحب البر ودروبـه وشبـة ضـوه الملمـوم=واحب الطير لامنه كفـخ واحتاسـت سبوقـه
تعلمت اشمخ بأصلي ولا لي في الردى ملزوم=رفعني ربي بعـزي وحكُـم للـردي طوقـه
تربينا على العزه قروم ٍ مـن ظهـور قـروم=ولانسكت على باطـل وكـل ٍ ياخـذ حقوقـه
لطمنا هيبة العايـل شمخنـا والعـدو ملطـوم=لنافي قمـة العـزه شمـوخ امجـاد موثوقـه
سلكنا منهج العـزه صبرنـا والعلـوم علـوم=شهد خيل وشهد رمح ٍ وسيف ٍ )شعت بروقـه
طلال وقادها مسلـط وصفـت للقايدالزيـزوم=نهار ٍ ثار به عجه وعلت بـه رايـة الروقـه
ومن بعده ابن هندي برز صيته حريب القوم=برز صيته اخو نوضا رجح رايـه ومنطوقـه
ومن بعده الين اليوم رجال ٍ قدرهـا محشـوم=وعزي ربعي عتابه مـن برقـا ومـن روقـه

[مخلف الهقاوي]

حمود الحبيل رااااااائعه راااائعه

جزل جزل وانا اخوك ..

صح لساااانك حتى انك ترضى

احتراماتي لك ولأبداعك

[عايض بن زوير]

..ياولد الحبيل..

صح لسانك 00والجزالة ماهي غريبه على من ختمها بالحبيل00

..أخوك..

؛؛؛؛

؛؛؛

؛؛
؛
مقاطي الحجاز

[فارس الباديه]

صح لسانك يالغالي جزله وبيض الله وجهك ولا هنت

[حمود الحبيل]

مخلف الهقاوي


مقاطي الحجاز


فارس الباديه


يعطيكم العافيه على هالحضور الفاخر


صحت ابدانكم ولاهنتم


تقبلو تحيتي

[محب الهيلا]

صح لسانك

مشكور وماقصرت

[عبدالله الجـــذع]

صح لسانك مليون وقصيده جزله يالجزل...

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا