شفت كبتن عتيبه قلت ابزهم علاه

[ابن شـامي]

يا سلامي سلامن ... ما تغير غلاه = يوم كل المراجل نعرف اتعابها
شفت كبتن عتيبه قلت ابزهم علاه = يمكن أنه يفرج ضيقة اصحابها

[كبتن عتيبه]

الله الله

مرحبا والغلا مايختلف مستواه=والمراجل غنيمه عند كسّابها!!
جاك كبتن عتيبه واطلب اللي تباه=مير ضيقتك قلّي وش هي أسبابها؟!!

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[ماله امان]

كبتن عتيبه

انت تسمع الظاهر انك متزامن مع ردي

ولكن واصل انا سامح لك،،،،،

[ابن شـامي]

الله الله

البقا يا زعيم كل... شاعر دعاااه = وزعيم الجزاله ثاني رقابها
صاحبك شاف بيته منقسم وش بلاه = وأنت قايد زعيم وصعب ترضابها

[كبتن عتيبه]

ايبله ايبله..

من كُبر ضلع مكه ماعرف اللي وراه=مير أهل مكّه اللي تعرف أشعابها!!
دامت العود لازم في يمينه عصاه=ما يضيّع عصاه اللّي تعصابها!!

آخر تعديل كبتن عتيبه يوم 22-Dec-2007 في 03:34 AM.

[محمد العتيبي]

ياسلام ياسلام
صح لسانكم جميع ..
متاااااابع .

التوقيع

للتواصل عبر twitter تويتر al_bargawy@

[ابن شـامي]

استلم يازعيم لاهنت

ضعت بين الجبال ومحتمي فالحصاه = خيمتك يالزعيم أهتزت أطنابها
كل شخصن صعيب انك تحصل رضاه = يوم كل العرب ماتزعل أحبابها

[كبتن عتيبه]

الله الله

كل واحد سنونه نابته من جماه=وأنت تعرف ضروس الراس وانيابها!!
لاتطرّي مراح مقاط ولاّ رشاه=قيل من يذكر البلوات يبلابها!!

[ابن شـامي]

الجما ماعلاه خلاف كلن حواه = كلنا في عتيبه ونتغاا بها
انت ظالم ولكن ربنا ماهدااه = تعرف الارض ودور على دابها