يا سلامي سلامن ... ما تغير غلاه = يوم كل المراجل نعرف اتعابها
شفت كبتن عتيبه قلت ابزهم علاه = يمكن أنه يفرج ضيقة اصحابها

مرحبا والغلا مايختلف مستواه=والمراجل غنيمه عند كسّابها!!
جاك كبتن عتيبه واطلب اللي تباه=مير ضيقتك قلّي وش هي أسبابها؟!!

البقا يا زعيم كل... شاعر دعاااه = وزعيم الجزاله ثاني رقابها
صاحبك شاف بيته منقسم وش بلاه = وأنت قايد زعيم وصعب ترضابها

من كُبر ضلع مكه ماعرف اللي وراه=مير أهل مكّه اللي تعرف أشعابها!!
دامت العود لازم في يمينه عصاه=ما يضيّع عصاه اللّي تعصابها!!

ضعت بين الجبال ومحتمي فالحصاه = خيمتك يالزعيم أهتزت أطنابها
كل شخصن صعيب انك تحصل رضاه = يوم كل العرب ماتزعل أحبابها

كل واحد سنونه نابته من جماه=وأنت تعرف ضروس الراس وانيابها!!
لاتطرّي مراح مقاط ولاّ رشاه=قيل من يذكر البلوات يبلابها!!

الجما ماعلاه خلاف كلن حواه = كلنا في عتيبه ونتغاا بها
انت ظالم ولكن ربنا ماهدااه = تعرف الارض ودور على دابها