انواع الرجال ....!!

[صنديد العصمه]

بسم الله الرحمن الرحيم
قصيده اعجبتني وان شاء الله نستفيد منها


ياللة تعديها على خير وتصيب
من حدنى أكتب خمالة وعيبة

يبغى الصراحة ما بها شك او ريب
باقولها والناس كل(ن) وطيبة

الحر ما ينفع بليا مخاليب
والعقل للرجّال زينة وهيبة

والسالفة (ماهى بلحية) مواجيب
(كل(ن)على طبعة يجيبة حليبة)

بعض المنابت بالمراجل عذاريب
وبعض المنابت للمراجل خصيبة

رجل(ن)يبى طارية عند الاشانيب
ورجل(ن)يبى طارية عند الحبيبة

ورجل(ن)يودى بالسواليف ويجيب
ورجل(ن)سواليفة لفعلة تجيبة

ورجل(ن)يغض الطرف عن جارة صحيب
ورجل(ن)عيونة فى محارم صحيبة

ورجل(ن)يغيب و يفقدونة هل الطيب
ورجل(ن)ليامن غاب ماحد(ن)دريبة

ورجل(ن)تشوف بخوتة لك مكاسيب
ورجل(ن)تشوف بخوتة لك غليبة

ورجل(ن)اذا اخطى يرى نفسة مصيب
ورجل(ن)اذا اخطى يراها مصيبة

قلت الصراحة ما بها شك او ريب
(كل(ن)على طبعة يجيبة حليبة)

اشره وشرّه كان تبغى المواجيب
عط حق تاخذ حق مابة معيبة


وسلامتكم...
م / ن

[عبدالرحمن الهيلوم]

صدق يالغالي

ياكثر اشباه الرجااااااااااال
مشكووووووووووووور يابن عاصم

[صنديد العصمه]

المشاركة الأصلية كتبت بواسطة عبدالرحمن الهيلوم

صدق يالغالي

ياكثر اشباه الرجااااااااااال
مشكووووووووووووور يابن عاصم

مشكور على المرور ياغالي ,,,,

[الروقي فواز]

هذا والله الكلام

بيض الله وجهك يا صنديد العصمه على هذا النقل الجميل

لاكن من الشاعر ولا عليك امر؟