السلام عليكم ورحمة الله وبركاته
الحقيقه بحكم معرفتي بالشاعر حمد الاسعدي وبعض الشعراء
وقريت له قصيده جديده لم تنشر وحبيت انكم تقرونها
ويقول فيها :
الراس مطلوبه عسير المنــــــالي=والقلب ماله غير خله مطاليب
كم من جواب ما لقاله سؤالــــــي=وكم من سؤال نطرحه ماله مجيب
يابنت رمشي شيبته الليالـــــــي = من كثر ما سافرت بين التجاريب
شيء تملكته وشيء غدالـــــي =وشيء خذاه الوقت غصب بلا طيب
من دون ربحي ما حصل راس مالــــي=والفضل لله مالقيتي عذاريب
مالا تحب النفس لو كان عالــــــي = ماله مكان بين عوج المحاديب
والعذر هلت عبرته ما لقالــــــي = ظل يجنبني سموم اللواهيب
خلاني أقعد فالمهامه لحالـــــــي=مثل الغريب اللي بليا تغاريب
مثل الشمال ليا جفاه الشمالــــي = قلبه معلق والليالي منا ضيب
يابنت قلبي ما بقى فيه تالـــــي = الا لغضات الصبايا الرعابيب
اللي غلاهن بالهوى سم حالـــــــي = غيد لحقني من هواهن عواقيب
ياليت قلبي بالهوى يايبالــــــي = لو ترسل الطرقا نظرها مكاتيب
هذي القصيده مجاراة للشاعر حمد الاسعدي
من الشاعر مطر بن صالح الروقي :
الراس يسلم ياكريم السبالي = والله ما نرضى لراعيه تعذيب
يالأسعدي تبشر بجاهي ومالي =افزع ولو مارسلت يمي مناديب
قريت من نضمك بيوت جزالي =والذيب لامنه عوى جاوبه ذيب
يالاسعدي شي طرالك طرالي = والوقت يبرمنا سواة الدواليب
اواه وقتي ياحمد ما صفالي = شيب رموشي مثل ما صابك الشيب
واللي جرالك يابوماجد جرالي = اصبر ترى دنياك هاذي تعاجيب
والله لالا صبري وقو احتمالي= اني على قول العرب لشلح الجيب
والا الهوى يسقيك مر وحالي = هذا الهوى العذري ولا في الهوى عيب
من حب ليلى قيس صابه هبالي = ومات الدجيما ما نفع فيه تطبيب
مير اطلب الوالي عزيز الجلالي=ما فيه مظلوم دعا الرب ويخيب
وانت المجرب ما يفيدك مقالي = تختارماتحتار بين الاساليب
شاعر خيالك منه يكسب خيالي = كفو كفو ياللي فتلت الاشانيب
اتمنى ان تنال رضاكم ..
آخر تعديل ابن الأجـواد يوم 15-Nov-2007 في 02:50 PM.
« آخـــر الـــمـــشـــاركــــات »
15-Nov-2007, 02:45 PM
قصيدة للشاعر حمد الأسعدي جاراها مطر الروقي ..
العرض العادي
