مرحباترحيب غالي بالضيوف وبالقبيله=ربعي الهيلا قبيله غاليه بين القبايل
متعبين الجيش فالميدان والخيل والاصيله=فعلهم يشهد له التاريخ ورجال الحمايل
ياصلون اللي يبونه عندهم بهون وسيله=صيتهم معروف مابين العرب والراس طايل
من قديم الوقت يوم الناس كلن من حصيله=ذبحة الحايل عواديهم وتلطم كل عايل
يحتمون الماقف الغصاب بسيوف ٍ صقيله=اسمها الهيلا الرجال اللي تعدل كل مايل
والعدو يسقونه السم الذحاح الله وكيله=ماغدى تاريخهم بين العرب والشك زايل
في مواقفهم سوات الموت من يقدر يجيله=لحتما الميقاف في ميقافهم كل الصمايل
علمهم دايم صواب ورايهم مافيه حيله=من هوازن تنتمي ماهوب هرج وقول قايل
من تحداهم وحول في نحاهم عزتيله =الله اكبر من يناحي قوم مروين السلايل
اسمها الهيلا على كل العرب دايم مهيله=الرجال اهل الوفاء واهل الفخر واهل الفعايل
ماختلف منهاجهم فالدرب خطوتهم ثقيله=ياردون الموت وقت الحرب يشفون الغلايل
فزعة المظيوم واهل العز وبيوتٍ ظليله=عندهم عزم وجهد وامثالهم خير المثايل
كل شيٍ بان يوم النار شبت في الفتيله=والقبايل كلبوهم طيبين الهم فعايل
وليلة ٍ تجمع قبيلتنا تراها اعز ليله=بارك الله في مزاينكم وفالهجن الاصايل
جمعكم غاية مراد ويبري الروح العليله=بارك الله فالرجال اللي يعشقون الاوايل
عاد عيد المسلمين شهور وسنين طويله=ياعسى الامه بخير وجعلهم بافضل فضايل
تحت ظل الحاكم اللي كل مداته جزيله=كل فعله خير ضافي مثل همال المخايل
ياعسى عمره طويل وعز منهو يلتجيله=المليك العادل اللي فيه خيرات وجمايل
وعشت ياسلطان يلي كل حمل ٍ ترتكيله=خيركم زايد مع العربان مثل السيل سايل
ياولي العهد يلي كل شيٍ تحتسيله=فيك كل الخير ياسلطان يقاس البلايل
ياعيال العود يلي فالعرب ماجاء مثيله=احتماها من بحر جده ليا ظلعان حايل
المليك اللي جميع الناس دايم تنتخيله=يشهد لتاريخ له بين العرب ماله مثايل
دامت الدنيا بخيروكل هم الله يزيله=والله انه ينصر الاسلام واصحاب الفضايل
ياصلاة الله على محمد صلوات ٍ فيله=الرسول الهاشمي اللي بعث خير الرسايل
| التوقيع |
|
ما هوب لازم توقيع00 |
« آخـــر الـــمـــشـــاركــــات »
04-Nov-2007, 02:38 PM
قصيدة لشاعر نايف بمناسبة مزاين الهيلأ
العرض العادي
