الضعيف بالمواقف لاحداه ولايحداني

[رفيع المنزل]

ياعتيبة كل مااطلب شاعر ٍ يكرب حزامه=يبتدي بالرد الاول مير مامن رد ثاني
يوم ذرب الفعل لاوقف يدافع عن كلامه =الضعيف بالمواقف لاحداه ولايحداني

[ماله امان]

انت داخل والسلام يقدمه رجل السلامــه=ملتك هاذي تراها ملت عيال السوانــــــــي
عرف بنفسك علينا ثم تلقالك كـــرامــــــه=حسب فعلك يا عميل الخير في كل الزماني

[رفيع المنزل]

المعذرة للتاخير الكمبيوتر او الموقع فيه مشكله لكن استلم ويليت نكمل مباشر بالليل

ملتي مسلم واسلم والمسير له مقامه = قدروا من زاركم واعطوه مقدار ومكاني
الجهل بالرجل مامعناه تمهيش احترامه = وانت ياللي دون امان ارحل على دار الاماني

[القرني***]

كلام جميل شدوا حيلكم

[ماله امان]

الاشاره كافيه والرجل ينقل في عظامــه=ومن عوايدنا نقدر كل من جـانــــا وعانــــــي
والجهل ربعي عتيبه حاربوه بكل هـامـــه=واحتموا ركب ٍمخيفه واحتمواها بالسناني

[رفيع المنزل]

مايطش الرجل في جال الخطر غير الغشامه =مابربعك شك وافهم هرجة ٍ جت من لساني
الله يعز الرجال اللي لهم بالمجد قامه = وحدوها بمنهج القران والسبع المثاني

[ماله امان]

ولأ يضيع الرجل لين يشوف ظله فالعدامــه=إن علاها رجل وان صاح المصيح مارزانــي
والرجال إلها شواهد مانبي وسم الهلامــــه=والنبي حنا خواله والديانه مسلــــــمانـــــي

[رفيع المنزل]

عندك الفاظ ٍ جميله بس تنقصك الفهامه = والا انا لو مطلبي نسفك نسفتك في ثواني
تدعي بالدين لكن ماتفكر في حرامه = النبي حرم حمى مكة وقتل المودماني

[ماله امان]

انت ذئب ٍ من ذيابه بس لأ بسلك فدامــه=مروحلك ريح شئيب ٍ ما يعدي فالطمانــي
وانت دينك مثل دين المطربه فاتن حمامه=نوب تقرالك قرايه ومرة ٍ تركب حصانــــــي

[رفيع المنزل]

رامي ٍ يرمي على النيشان ماصابت سهامه=لو يطاوعني يكب الرمي لفلان وفلاني
ادرس علوم الطبيعة واعرف الدرب ونظامه=انت قمت تجمع الهزلات في جنب السماني