لفت انتباهي ماقام به رجل الأعمال المعروف الشيخ / سعود بن برجس بن مريبض العتيبي من التبرع لقبيلته ب :24 سيارة وان كان هذا الشيء ليس بمستغرب عليه ,,,فتمثلت بهذه الأبيات :
يالله ياللي تغيث الحي= يا مجازي العبد باعماله
يامنّزل من السحاب المي = احفظ هل الطيب وارجاله
قريت لي بالصحيفة شي = يخلي النفس مهتاله
رجل ٍ تبرع لربعه في = جوايز ٍ تعكس أفضاله
اللي فعلته ماهو بشوي= ياطيب ٍ زاد مكياله
ياسعود مالك شبيه وزي = الطيب لو صعب ترقاله
من الكرم ماتبقي شي = لو تملك البنك وأمواله
والله يالو ان حاتم حي = لتغطي أفعالك أفعاله
مع احترامي قبيلة طي = كل ٍ بقدره ومنزاله
أنته لربعك سواة الفي = ياطيب ٍ طابت اخصاله
تكوي قلوب المعادي كي = والا رفيقك هنياله
هنّيت فيه القبيلة ذي = واهنّي بفعله عياله
وقبيلة ٍ ضمتك ياخي = للحمل لو زاد شياله
حربي قرى هالخبر مطوي = وقال القصيدة على فاله
وصلاة ربي ماشعشع ضي = على الرسول وعلى آله
الشاعر مقبل بن فنخير بن سبيل الحربي
آخر تعديل مقبل العلوي يوم 05-Nov-2007 في 01:03 AM.
« آخـــر الـــمـــشـــاركــــات »
05-Nov-2007, 12:54 AM
أولى مشاركاتي في مجلس الشيخ/سعود المريبض
العرض العادي
