سلام ياروق العريبه وبرقا ... وأعم بالتسليم غربا وشرقا

[احمد مسفر التوم]

ياهاجسي من بعد ماجا مجالي ... أفرشلي الجزلات فرش الزوالي

في ربعي الهيلا كرام السبالي ... والهزل خله للردي وش تبابه

سلام ياروق العريبه وبرقا ... وأعم بالتسليم غربا وشرقا

لطامة العايل على العز ترقا ... ياحظ من ربعي عتيبه زهابه

قوم المراجل حافظين السلومي ... اهل المواقف والرجال القرومي

يالله عسى عز القبيله يدومي ... اللي لها قيمه وقدر ومهابه

تكاتفو يوم المزاين سويه ... من الحويه لين نجد العذيه

ولا نجحد شيوخ(ن)تقود السريه ... وكل(ن) معلق مشلحه فوق بابه

ياطيبهم ياطيبهم تاج راسي ... أهل البشوت ملينة كل قاسي

ملجا الذليل الشامخات الرواسي ... أمجادهم بالفعل ماهي نهابه

وماقل دل وزبدة الهرج نيشان ... من شاعر(ن) حافي ومن روس شجعان

ياوقت سجل وانظم عقود مرجان ... واكتب على صافي سمانا عتابه

واسمي ولد مسفر وساسي عتيبي ... احمد مداوي كل جرح(ن) عطيبي

شاركت بالزينات فخر(ن) وطيبي ... مامنها في عزوتي والقرابه

[طـــــــــلمس]

صح لسانك وبيض الله وجهك

[احمد مسفر التوم]

صح بدنك مليون

[فهد النفيعي]

واسمي ولد مسفر وساسي عتيبي ... احمد مداوي كل جرح(ن) عطيبي

ونعم فيك يابو مسفر ولاهنت على الابيات الجزله

[احمد مسفر التوم]

ماعليك زود يافهد يابن العم ومرورك شرف