*****لطامه العايل وذباحه الحيل*****

[المهـندس]

السلام عليكم ورحمه الله,,,,,, الاخوه الاعزاء يسرني ان اضع بين يديكم مشاركتي المتواضعه التي شاركت فيها في مزاين بني عمي (الهيلا) والقيتها في بعض المخيمات هناك,,,,,,,,,,,,,,,,,,,,,,,,,,,,,,,,,,,



بسم الاله المقتدر عالي الشــــان @ لواحد المعبـــود منشـــي المخاييل
ابدي واسمي به على كل ماكـــان @ منزل الفرقـــان بالحـــق تنـــــزيل
سبحان رب الكون خلاق الانســان @ وهــــاديه للنجــديـن ياعـدل يامــيل
سلام تسليمن كما وبل الامــــزان @ وبل الــمـزون اللي تهــل الهمــاليل
على عموم الحفل معزب وضيفان @ سلامن احـلى من قصب سكر النيل
سلامن مرتب بـــوزن وقيفـــــان @ ينســاق لزحــول الرجال المشاكـيل
ربعي عتابه لاحتمــــى كل ميـدان @ اهــل الفعـول ومتعـبه سـرج الخـيل
ربعي ليامني تعزويت عتبـــــــان @ لطــامه العـــايل وذباحـــــه الحيــل
ربعي هل البل لامتلى الجو دخـــان @ وصارت نهايب كلن يحط ويشـــيل
تحمــي عطايا الله بـــحد شـــامــان @ بماضي وحاضر واللـيال المقابـــيل
حامينها من كيد ضــالم وطمعـــان @ ابعــد عليه ليـابغــاها من ســهـيـل
من دونها نرد المنـــايا علشـــــان @ امـا حيـاه العــــز والا البـــهـاذيـــل
تاريخنا يفوح مسكــن وريحـــــان @ اهل الكرم والطيــب جـيل بعد جـــيل
في مزاين الهيلا طويلين الايمـان @ يامــرحبا ترحيــبه البــــدو بالسـيـل
بلي حضــرمنكم شبابن وشيبـــان @ يامــرحبا ترحيبتــن بن مـع هــــيـل
وفي حلفنا مافيه رابح وخســـران @ وهـذا كلامـن صح ماهوب تمـثــــيل
في مزاين عتيـبه ترى الكل كسبان @ واكبــر مكاسب حفـلنا يالحلاحــــيل
شوفت بعضنا من عقب مرالازمان @ تســوى الحياه ومابها من محاصيل
يوم اجتمعنا من بعيدات الاوطـــان @ برقـا وروق مجلــيت ظلمــه اللـيل
ولاقول في باقي القبايل بنقصـــان @ اهل الكرم والطيـــب واهل المعامـيل
وهذا على الوحــده دليل وبرهـــــان@ مــالك ومــال مســرديــن الاقـــاويل
هذا وحنا تـحت رايـــه كحــــيـــلان @ القــايد المغـــوار زبن الرياجـيــل
يله تحفظه للوطــن دوم عنــــــوان @ خــادم بيـوت الله قرمن وحلحــيل
وتحفظ بعد عونه على الدرب سلطان @ لوكــان في وصفه تعجز التماثيـــل
ولي عهد المملكـه طيـــر حـــوران @ من مـدته تشفى القلوب المغالــيل
وعاش الوطن في ظلهم بامن وامان @ ولاهـــمه افكار الخبول المهابــيـــل
اهل الخراب معاونت كل شيـــــطان @ تحسب خــراب المملكه بالتساهيــل
والله من ارخصك غلطـان غلطـــان @ نفيــدك بالارواح مـن دون تاجــــيل
وماقل دل وزبــده الهرج نيشـــــان @ وانهى الثبــيتي ماتــقدم من القــيــل
وختامها صلوا على نسل عدنـــــــان @ شفيــعنا يوم الشقــــى والبهاذيـــل

[أبو ذيب النخيشي]

ربعي عتابه لاحتمــــى كل ميـدان @ اهــل الفعـول ومتعـبه سـرج الخـيل
ربعي ليامني تعزويت عتبـــــــان @ لطــامه العـــايل وذباحـــــه الحيــل
ربعي هل البل لامتلى الجو دخـــان @ وصارت نهايب كلن يحط ويشـــيل

والله صح لسانك ياباش مهندس والله يعطيك العافيه يا ابن العم