زينات المثايل في عتيبه**بن ثعلي**

[أبونايف الثعلي]

قصيده في المزاين ولم أتمكن من الذهاب للظروف الخاصه........


زينات المثايل

يومن ابن ثعلي بدا راس مجـــــدار
نظم من ابيات الشعر ماطرتلـــــه
من عند ابو سامي ذرا الضيف والجــار
صم المراجل وقفت ورضختلـــــه
قرمٍ رسم في قمة المجد ميثــــــار
بدا وزينات المثايل بدتلـــــــه
سر يا قلم واكتب من الفكر مــا دار
اكتب طرات الفكر يوم اهدفتلــــه
في مدح شيخٍ فالمهمات بيطـــــار
اللي له القالات غصب اوقفتلــــه
يوم المصافق فوق قحصات الأمهـــار
كل القبايل بالفعول اشهدتلـــــه
بدر ولد نايف له الطيب تذكــــار
عمهوج سيفه والنواميس جتلــــه
حراً ولد حر تسلسل من احــــرار
إشيوخ نجد بما حصل وقعتلـــــه
ون صار للقالات مارد ومصــــدار
يارد وينقضها بعقده وفتلــــــه
وارجع لشيخٍ تعرفه كل الأقطــــار
في حاضر الأيام واللي مضتلـــــه
زعيم روق وشيخها فذ الأفكــــار
شيوخ القبايل كلبوها خضعتلــــــه
عبدالله بن عمر للطيب معيـــــار
داس الصعيبه بالقدم وصغرتلـــــه
وعدا بفعل المجد في عال الأوكــــار
وكل العلوم الوافيه وجهتلــــــه
وارجع لمدح اللي وفا كل الأشبـــار
ابو عتيبة فالمواقف لجتلـــــــه
على عتيبة مثل هتاف الأمطـــــار
يسعالها بالعز وهيه سعتلـــــــه
ابن حميد اللي رسا مثل سنجــــار
لا صاح لعتيبة عتيبه مشتلــــــه
ولي الشرف في مدحهم سر وجهــار
شيّن على وضح النقى مانختلـــــه
وختامها صلوا على سيد الأخيـــار
على محمد عد عشبٍ زهتلــــــه


الشاعر

رائد بن إبراهيم بن عويض بن ثعلي

آخر تعديل أبونايف الثعلي يوم 31-Oct-2007 في 05:45 PM.