مع الحدث العالمي

[سلوبودان]

بكل فخر واعتزاز وتواصلن مع ماتحقق اليوم من انجاز يفخر به كل من قال انا عتيبي هذا التجمع المهول الذي لم يسبق وان حدث بهذا الحجم عمومآ انا افتخر بلابتي والله ان هذا اليوم من اسعد ايام حياتي انجاز بل اعجاز مع الحدث .......................

الله يبيض وجهكم ياعتابه=يا اهل الفعول الي ما ليها مشابه
اليوم بيضتو وجيه القرابه= الله يعز اديارنا ويحماها

والله وسيعين نعمن بالرجال الكرام=الي لهم فعل لاقبله ولاش بعده
اليوم بيضتو وجيه الرجال الحشام=ياسعد حظ العتيبي صدق يامسعده

[محمد سعيد القحطاني]

اصحابنا العتبان مبروك مبروك=اقولها مافيه ريب(ن) ولا اشكوك
نقطف ورود الزهر وانكسر الشوك=لله يعز اديارنا وايحماها

نعمن بربعن تبي تلحق ركايب زحام=لا جيت انادي بقول الرجل وايَا اجهده
مبروك جعل العلم مرفوع شرق(ن) وشام=ماظن به وافي(ن) فعل الرجال اجحده

آخر تعديل محمد سعيد القحطاني يوم 25-Oct-2007 في 01:05 AM.

[سلوبودان]

الله يبارك فيك يلي تهني=وربعي بهم والله ماخاب ظني
الله يامنكم وبرضه يامني= الله يعز اديارنا ويحماها

والله ونعمن بكم وبنا وكل العظام=مادام ذكر الشجيع الا بفعلت يده
بيتن بني بالمعزه ما يجيه الهدام=العود ينيه ويورثه ابو لولده

[محمد سعيد القحطاني]

ما خيبو ظنك ولا خاب ظني=فيكم عسى الله يذهِب الهم عني
الوصف نعم الوصف يلي تغني=الله يعز اديارنا ويحماها

ا

لله يهنيك في ورث النسب والعمام=ياطيب راعي الشيم لامن وفا موعده
اُكتب بخط القلم وإرسل عظيم السلام=للي صدر وان ورد كِل(ن) على مورده

[سلوبودان]

ياعزوتي ربعي وياتاج راسي=منكم خذيت العز واشتد باسي
عدوكم من فعلكم في مأسي= الله يعز ديارنا ويحماها

اللي الفخر في رجالن فعلها كل عام=مزنن يهيب العدى برقه وصوت ارعده
أكتب بضؤ القمر لاحان وقت الظلام=حنا ضياء الارض والله عزنا نحمده

[سلوبودان]

بعد اذنك يالسنحاني اني ابي ارقد وبكره ان قاله الله نكمل