مساجلة بين ابن جدعان ويوسف السليس

[ابن جدعــان]

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ارسلت ليوسف بن جديد السليس هذه الابيات:

يا الله ياكاس العبال المصاليع=من نو لأمرك قال سمع[ن] وطاعه
بسمك بديت وقبل لبدا المشاريع=اسئلك عفوك قبل بث الاذاعه
اذاعة[ن] درب القداء والتسانيع= عاده لها فوق انقا والبراعه
مذيعها يشهر بوقت المطاليع=ومستقبل الارسال يفعل ذراعه
من لابة[ن] لا طولن المواطيع=تلقى بهم على المراجل ولاعه
اسليس من مزحم وابن روق لا ذيع=كم من خصيم[ن] اسم ابن روق راعه
مكاسره عنبر وكل الذعاذيع=تشهد على قولي وحسن انطباعه
يوسف جديد اللي يجنه مطاويع= ابيات ما لللاش فيهن طماعه
وأبسئله بعض الطرق والمراميع=وش كسبتة يا نور بين شعاعه
قفت بك الدنيا وانا فيك ما طيع=من قال قفاء عنك وابحر شراعه
وتراك غالي يا عريب المنابيع=وان غبت تحضر سمعتك كل ساعه
لا عرب الديوان مشري ولا بيع=الا ذكرتك فيه انا عن قناعه
والخاتمه جاتك علومي ملاويع=عساك ما بك شي بعد القطاعه
شرهة غلا.قصدي وفاء.قبل لاذيع=وان ذعتها ينصاك علم الاذاعه

وكان رد يوسف كما يلي:

يا الله يا اللي لك عبادك خواشيع=ياوامر[ن] بالغيث عقب انقطاعه
محيي الاراض الممحلات البلاقيع=ولاحد[ن] على رد أمرك اله استطاعه
حي الكتاب اللي لفا من ينابيع=فكر[ن] زهى بالمرجله والشجاعه
فكر[ن] يطوع كايد القاف تطويع=ويمشي له المعنى برسم المطاعه
دايم على الرفقه يسوقه دوافيع=والطيبه يختارها با قتناعه
مطبع[ن] نفسه على الخير تطبيع=ويمشي على درب القداء والسناعه
يرسل حروفه فالجهازات ويذيع=وننصت لقافه لا لفى لإستماعه
ومضمون قافه فيه شرهه وتشجيع=ويقول فيكم ماستمع للأشاعه
وساعة لفا جمعت الافكار تجميع=وشوارد الابيات جتني جماعه
وقامت هواجيسي تجيني تدافيع=وتواردني كلهن باندفاعه
وودعتهن في مرجع الفكر توديع=وطوعتهن على المعني طواعه
وطالبك لا تبحث ببعض المواضيع=خبري بمثلك ما يحب اللكاعه
وان شفت طالت غيبتي عنك اسابيع=لا تستشك ولا يجي فيك راعه
تمنعني ظروف[ن] تجيني تناويع=عن شوف صدقاني وبعض الجماعه
بوقت[ن] يلوع قاسي الراس تلويع=ويقصر مع الايام شبره وباعه
وختامها صلو على خير شفيع=صفوة قريش اللي بيده الشفاعه
[/poet]