شهيد الوطن ظافر النفيعي

[عايض التوم]

هذه القصيدة مجاره لقصيدة / حامد القحطاني وغازي بن عون في شهيد الوطن ظافر النفيعي

قصيد حامد وغازي فيه علما مفيد= فيه الثناء والشكر والفخر والاعتدال
الحمد لله على ما صار يا أبو مزيد= نقولها في العزا والمدح والابتهال
الله هو يدبرنا على ما يريد= نؤمن بحكم القدر وحساب سود الليالي
يا هاجس الشعر يلي لك ليالي مهيد= لا والله إلا عاد داعيك ما به جدال
ما بين غرة محرم والنهار السعيد= أشوف خيلك تهيأت للطرب والقتال
ما هوب داعيك لازم زيد ولا عبيد= إلا قصيدا خياله فوق كل الخيال
خيال ذكرني ابن زهير وابن لبيد= والبحتري هو أبو تمام يا أهل الفعال
بين الفخر والعزا والمدح عقد فريد= الله يبيض وجيه الطيبين الجزال
أهل الوفاء ألي لهم بالعرف رأي سديد= أمثال حامد وغازي طيبين المقال
و أنا ليا جات للوقفه ورد النشيد= ماني بمعذور يا تركي على كل حال
أبا أفتخر و أرثي ربوعي ولا لي محيد= ظافر شهيد الوطن يفخر به الربع و آل
آل السعود الشيوخ ألي تضد الضديد= ولاة الأمر وهل المعروف و أهل العدال
يفخر به أبو عبدا لله ومجدا مجيد=و أيضا عيال وبني عم وعمام وخوال
قم يا نديبي ترا شوقي لربعي يزيد= بلغ عزايه هل الطائف وكل الرجال
ذو سنان الزحول الي مداهم بعيد= حرارنا ألي مواكرها بروس الجبال
رصيدنا يوم كلن له حلال ورصيد= ألي يشيلون حمل ما تشيل الجمال
ما مات ظافر وعبدا لله لجده حفيد= عبدا لله ومثله محمد ونعم العيال
وغلا غلاها بقلب أميرنا والعقيد= والابه إلي فخرهم بالقنا والسلال
خوالهم هم خوالي وفتهم يا عبيد= مالي ومال العلوم ألي تجيب السؤال
ظافر شجيع تقدم قبل يوم الوعيد= ما خاف من شلة الإرهاب و أهل الضلال
معه صناديد من شرواه ما هو وحيد= لكن تقدم على الغدار بالانفعال
في يدك يا سيدي نايف وريع حديد=ومثله سيوف صقيله في يدك لا تزال
و أنا ولدكم وراسي للمنافق عنيد= يا جعل من خانكم يا سيدي بزوال
و يالله يا ذل الكرم يالمبتدي يالمعيد= تحفظ زعامة هل العوجا زحول الرجال
وتحما وطنا من أحقاد الحسود المكيد= وتعز الإسلام و ألي مركزه عال عال
عبدا لله الحاكم العادل و بأسه شديد= على هل الغدر و ألي يعبدون الريال
وحامد ونعم الخوي حرا يهد ويصيد= وافي مع أهل الوفاء هذا حميد الخصال
من لابة ساسهم بالطيب ساسا جويد= قحطان ساس العرب والرأس فوقه عقال
وختامها يا هل العوجا ويا أهل الشهيد= الله يجبر عزانا في كريم السبال

أخوكم عايض بن عواض التوم الفليت النفيعي

[محمد العتيبي]

بيض الله وجهك
وافيه من شاعر وافي..
صح لسانك ..

التوقيع

للتواصل عبر twitter تويتر al_bargawy@

[عبدالله هادي ناشي الفليت.]

صح لسااااااانك ياعايض الفليت


ومشاللـه عليك قصيـــده رائــعه

[محب الهيلا]

مشكور وماقصرت على القصيدة

[عبدالمجيد النفيعي]

صح لسانك ياعايض
ومشكور على المرثيه
وحنا فخورين بـ الشهيد ظافر العتيبي

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[عايض التوم]

بيض الله وجيهكم جميعا على المرور وهذا من طيب ذاتكم وبعد نظراتكم

وآسف على عدم التواصل معكم بشكل مستمر


أخوكم

عايض التوم