صامل المحيشير العبادي العتيبي رحمه الله

[نواف العصيمي]

هو صامل بن مسفر بن دخيل الله بن مرزوق بن هلال بن ضيف الله بن صالح بن عثاكل العبادي الشجعاني العصيمي العتيبي
رجل اشتهر بالشجاعه والكرم ومن اشهر الرجال المعروفين في قبيلة العصمه واليكم هذه القصه التي ارويها بعد ما سمعتها اثناء مجالستي للشياب رحمهم الله
وهو ان صامل المحيشير كان يقطن على عدود ماء الصدوعي هو وجماعته وهم كذا فريق من العصمه وذات يوم في الصباح الباكر اذا برجل ينزل على صامل وجماعته هو وزوجته وابنه لا يملك من متاع الدنيا اي شئ فرحب به صامل وضيفه واكرمه وقال الرجل يا صامل ان واحدن من سبيع حدتني امور الدنيا نصيت الله ثم نصيتك فقال له اهلا بك الحله حلتك والحلال حلالك وبعد ذلك قام صامل بامر زوجاته بان يبنن بيت للسبيعي وزوجته وفعلنا تم ذلك وعاش السبيعي معزز مكرم بين العصمه على العلوم الغانمه وكلن منهم اعطاه منايح اضافة لما اعطاه صامل له وفي ذات يوم مر عليه رجلان فقالا نحن ذاهبون الى العارض نبي ننزل في قرى العرض ونحش ونبيع العلف على الحظر ورافقهم صامل هو واهله وبعد فتره وجيزه حصل من هؤلاء الرجال ان اعتدوا على السبيعي بالضرب واهانوه فانشد بقصيده ارسلها على صامل المحيشير وجماعته يقول فيها ثواب السبيعي :

ياليتني من عقب قطر المحيشير = ****** ماعاد جالي قطيري
قاربت انا قطر ***** المثابير = سراي ليل طايح في حظيري
والله يالعارض وقل المساعير = يسكن به اللي راس ماله بعيري
لاصل من الزيدي ليا خدت النير = واصل اليا ماسل وعندي وحيري
مع جوف قطعان عليه البواكير= وسم العصيمي فوقها مستديري
واهل بيوت كنهن الدواوير =ذباحتن للحيل والله خبيري
وهل نجور يجلبن المسايير= ولا قط به يومن عليه عسيري

فلما وصلت هذه القصيده الى صامل المحيشير ارسل للسبيعي واكرمه وارفده هو والعصمه حتى صار عنده حلال ورجع الى قبيلته معزز مكرم


منقول من منتدى
و
للكاتب/ عبدالله بن دخيل الله

التوقيع