 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
30-Jul-2003, 04:25 PM
|
رقم المشاركة : 1 | |||||
|
قصائد عويد بن محسن الصعاق الذيابي العتيبي ( عجيبه )
قصيدة (1) : تهيض الصعاق
الشاعر عويد بن محسن الصعاق الذيابي العتيبي شاعر كبير وله قصيدة تعتبر نصيحه لمن يجمع المال وبالاخير يذهب هو ويبقى ماله . تهيض الصعاق بالصدر حسات والله عليم وخابـرٍ وش مراده عقب العشا سويت لي خمسة طبخات شبوب قــش مـــولعٍ في وقاده بريةٍ من سوقها تو ما جات والله كريم ولا يخلي عبـاده لو كان مرزقنا لبيعٍ وشريات لا تشوف مالٍ ما يحصى عداده لكن مرزقنا تصيبه عقوبات ليا جات ليال العسر حنا نفاقه ومن فضل ربي طالبٍ خمس اشارات ما هـمني كثـــر القراش ونفاقه الاوله تقليط فرض الصلاوات من قام في سنة نبيه عـياده والثانية خطو البنات الحسينات اللي مَناسبّ حبل هـنه جواده اللي تحت حكم الرياجيل طوعات وحاذور من نسب يعـود نقاده والثالثة صفر الدلال العذيات ومن شب نارٍ مايطفي رماده نبا بها هرج وضحكٍ وفسحات ليا تراوة منزلنا في الحماده والرابعة شغل السلاح النقيات شغل النيامس رمي هنه ركاده والخامسة حمرٍ من الصيعريات اصل الحراير ما نقضها الهباده تقطع لجالج الحزوم البعيـدات ليا طاوع الحرمه قليل الرشاده نصيت ابن عيهان إلي فيه حاجات ولاني بحّـاثٍ لسـد الرفاقـــه رّجَال شبــعان ويرده هنوات وقطع اللحم والدم إله فيه عاده يالله يا مغني القلوب الشقيات مالٍ كثير ويطلبـون الزياده والموت يدرجهم على كل حيلات يبا يطمن روسهـــم للوساده وهذه قصيده اخرى للشاعر عويد بن محسن الصعاق ومناسبتها عندما اجذبت الارض وامحلت الديار قال : يقول الصعاق عنده مثايل قولٍ ليا قاله ينشط مقاله ماقلتها في ناسعات الجدايل على حدود الله مني كفالـه اقولها يوم استفاق المخايف يوم الدهر ركّبّ علينا خياله يا مل قلبٍ في عدلٍ ومايــل مثل القليل اللي تعاقب محاله من الزمان اللي يهول الهوايل نصبر على غبته ونرجو بداله خلى عجايـــد النشاما نحـايــل وكلٍ وكلٍ صبـو فوق الشقا وإرتقا له راحت على قطع الخشب بالسلايل وكلٍ يقول اقطعـلـها من قبالـه واستظهرت قدح الزنود الاصايل اللي لها قــدحٍ يشوق اشتعاله المال روحناه ذبـح وبدايل وليا غدا شي على الله بداله وراحت جلايبنا عراب الاصايل موالتـنّ ياوي والله امـواله يومٍ ولد اللاش ماله عقايـل نسى هروبه يم غلايل حلاله البخل سمي بخل مابه جمايل ظلام سدٍ يوُقّف اللي مشا له والجود دربه سمح لاهل الجمايل سمحٍ لمــن جده وخاله عنا له نرجو ان تحوز قصائد الشاعر عويد بن محسن الصعاق الذيابي على الاعجاب ---------------------------------------------------------------- زماننا غير زمانهم وحتى نتذكر الاولين اخوكم ابن نجد |
|||||
|
|
|
|
|
|
|
|
|
|
31-Jul-2003, 02:42 AM
|
رقم المشاركة : 2 | |||||
|
وكذلك حازت قصائد الصعاق على اعجابنا ومشكور
يا ديوان الهيلا .. |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
