محاورة قمة بين حبيب العازمي وفيحان القعياني

[الجوراسي]

حـبـيـب الـعـازمـي

الوقت يسرق شاعر الميدان والساعه تدور=والشاعر الي مادرى يرجع يوقت ساعتـه
ولعمله اللي من ذهب وسط الخزينه ماتبور=لكن مابه تاجـرن يقـدر يـذم ابضاعتـه

فـيـحـان الـقـعـيـانـي

حنا ترانـا ياحبيـب ماجهلنـا فالامـور=الله يوفقنا ورب البيـت نرجـي طاعتـه
والعمله الي ماتخارج مع وسيعين الصدور=لن شالها التاجر على اذنه خربت سماعته

حـبـيـب الـعـازمـي

الخط ملكن للمسافر والاشـاره للمـرور=والسايق الي مامعه رخصه يموت ابراعته
الله يعين اللي على الدنيا ومافيها صبـور=ولخير من زراعته والشـر مـن دراعتـه

فـيـحـان الـقـعـيـانـي

أنا معي رخصه وجاهز ياحبيب للعبور=لاتحسبني ورع يبغى الخير من رضاعته
اثرك مثل الملح يوم اتنوشه الشعله يثور=والملح ماهو زين نوب ايثور في صناعته

حـبـيـب الـعـازمـي

اللولو والمرجان ماتلقاه في كل البحـور=مار أنت تسبح في علو البحر ولاقاعته
فيحان من باب التهكم والتغطرس والغرور=يضحك بغيره والنهايه ضاعته واضاعته

فـيـحـان الـقـعـيـانـي

انته تبي سطح القمر والارض من تحتك تدور=ولد الخواجه يحسبـن الفكـر فـي قباعتـه
أنا معلم ياحبيـب وانـت خابـر ومخبـور=والخير لاهل الخير ولا الشـر فـي طماعتـه

حـبـيـب الـعـازمـي

ياجاهلين الاخره ترى بدايتها القبـور=وبليس مايقدر يقدم عذر عن تباعتـه
وانته بعد مخبور دايم يمنا سيلك حدور=والعلم كان الي يولع تحرقه ولاعتـه

فـيـحـان الـقـعـيـانـي

الجهل ظلمى موحشه والعلم لاهل العلم نور=واللي يطيع الناس في بعض المثل ماطاعته
أنا مع العتبان طيب وانت يابـدر البـدور=تكسف على العالم ليا شافوك في مطلاعته

حـبـيـب الـعـازمـي

انته على راس العمل ولا على بند الاجور=ولا قـرارك مايكلفنـا ياكـود اطباعتـه
ياصحيبنا الي من قديم الوقت دمك لايفور=والشر مايبلابه الا مـن حـدى فراعتـه

فـيـحـان الـقـعـيـانـي

ياريس المركز على هونك ترى الدنيا تجور=راع المقبس لو يزهبهـا تطيـح اسراعتـه

[فهـد الجـذع]

الجوراســـي لاهنـــت على المحــاوره وبيـض الله وجهــك



تقبــل مـروري



أخـــوك


فهـــد الجـــذع

[عبدالله الجـــذع]

الجوارســي بيــض الله وجهك على المحاوره..



اخوكـ عبد الله الجـــذع..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا