في ليلة من اروع ليالي المصيف وفي ليلة لن ينساها جمهور القلطه في الحجاز في ليلة كان فرسانها حمدان العصيمي وعبدالله الذيابي (العمى) وفيصل الرياحي وعبدالله بن عتقان وفي ليلة ابدع فيها الشعراء ولكن كان هناك ابداع خااااص جدا من الشاعر الرائع جدا الكبير في عطائه حمدان العصيمي في ليلة احرج فيها فحل من فحول الشعر فيصل الرياحي امام اكثر من 2000 متفرج من جماهير القلطه والحقيقه ابداعه لم يقتصر على طاروقه الذي سوف انقله لكم ولكنه ابدع ايضا في الموال مع الشاعر عبدالله عتقان اثناء الرباعيه والذي اذهل الحضور هو استفزاز فيصل للشاعر حمدان بطرح لغز عليه وذلك لكي يحرجه امام الجماهير الغفيره ولكن الشاعر الكبير حمدان العصيمي لم يدع الصفوف تنقل بيت فيصل اكثر من ثلاث مرات ولا واتى بالرد الساخن والذي قلب كيان فيصل راس على عقب واصبح يتهرب من الاقرار بحل الشاعر حمدان رغم ان جميع من حضر قال ان حمدان استطاع ان يحله في لحظات قليله اترككم مع الطاروق الناري والذي بدأه فيصل لان الحفل كان عند قبيلة البقوم واترك لكم الرد علي هل حمدان حل اللغز ام لا؟؟؟
فيصل
ودي اكرر الترحيب فالليل كله= بسم كل البقوم وعزوة الآد سامي
مرحبا والعصيمي شاعر مانمله= مار في تالي الايام عود حرامي
حمدان
طول الله عمر مرحبن في محله= والكرامه طبيعه في بيوت الكرامي
البقا والطريق اللي تدله ندله = والسواليف ماترخص رفيع المقامي
فيصل
عندنا لغز كان اللغز تقدر تحله=وش نبات ماينبت غار جوف الظلامي
عقب مده ويطلعله ثلاثين مله= واعترف به رسول الله عليه السلامي
حمدان
لغزك اللي تقوله صاحبك فاطن له= كم وكم داخل الارحام يوجد غلامي
والله اللي يظل العبد في في ظله= واختلاف الفصايل باختلاف الاسامي
فيصل
اقدر اقول ماعندك خبر فيه لله= واقدر اقول حليته عداك الملامي
يالعتيبي لقيتك صورتن في مجله= مر عكس النظام ومر وضعك النظامي
حمدان
عادة القرم يدمحله ثمانين زله= مار بين لنا الموضوع شرق وشامي
ما تبين العلوم الا بحسب الادله= يابعيد الهجوس ويابعيد المرامي
فيصل
كان حمدان عنده عقل عقله يدله= ايتحزم حزامه واتحزم حزامي
لو بغينا عليكم نشرب الجم كله= صدروا بالظما ياعاشقين المظامي
[color=#FF0000]
حمدان
لاتقول الليالي البيض راحه وفله= صارت النار لبراهيم برد وسلامي
كان سيفك لياجاتك المواقف تسله= 000000000000000000
فيصل
ياخوات تقافا عصرها مظمحله= وش بقا فالمخازن من شراب وطعامي
راحت الهجن تحت القوم مثل الاهله= والشرود يغذاء سمحه وتبني السنامي
حمدان
وش تسوي بوقتن زود الطين بله= يجعل المودماني مايذوق المنامي
مل قلبن يشوف الغل والغبن مله= كان يصغر سنامك يالبعير التهامي
فيصل
صلط الله على قوم رضوا بالمذله= افطروا بالبصل والملح عقب الصيامي
خل عنك الكلام اللي يعنيك خله= لا سريت اخذ كلمة لا ومر الزلامي
حمدان
رحمت الله مزون بالمطر مستهله= ينتقم في طرفها صاحب الانتقامي
« آخـــر الـــمـــشـــاركــــات »
12-Aug-2007, 06:39 AM
حمدان العصيمي يحرج فيصل الرياحي ويذهل الحضور!!!!!!
العرض العادي
