سلام الله سلام(ن) ماتخالف به عقول الناس...تجوز كتابته ياعتيبة الهيلا و تقرونه

[بديع القوافي]

سلاام الله سلاام(ن) ماتخالف به عقول الناس=تجوز (ا)كتابته ياعتيبة الهيلا و تقرونه
أبا اسبح في بحركم والبحر يسبح به الغطاس=عساكم كل مانادى منادي حق توحونه

آخر تعديل بديع القوافي يوم 17-Aug-2007 في 06:53 AM.

[مخلف الهقاوي]

سلام الله سلام(ن) يفرح اللافي عريب الساس=تجوز كتابته وعتيبه الهيـــلا يردونه
تبا تسبح ولا ندري ضعيفٍ او قوي الباس=وكل منادي ينادي بحق الله يعينونه

[بديع القوافي]

المشاركة الأصلية كتبت بواسطة مخلف الهقاوي

سلام الله سلام(ن) يفرح اللافي عريب الساس=تجوز كتابته وعتيبه الهيـــلا يردونه
تبا تسبح ولا ندري ضعيفٍ او قوي الباس=وكل منادي ينادي بحق الله يعينونه

إلا ياودني للي علومه من ذهب والماس=سواليف الرجال ايضمها والطيب قانونه
إلا يامخلف الهقوه وراء هقوتك يابن الناس=لعنا خير الشيطان وأم ابليس ملعونه

[مخلف الهقاوي]

على ودك يجيك اللي علومه تذهل الجلاس=مواجيب الرجال يتمها والطيب يلقونه
الا ياراعي الشرهه ترى شرهتك ماتنقاس=دحرنا حزة الشيطان وام ابليس مسجونه

[بديع القوافي]

المشاركة الأصلية كتبت بواسطة مخلف الهقاوي

على ودك يجيك اللي علومه تذهل الجلاس=مواجيب الرجال يتمها والطيب يلقونه
الا ياراعي الشرهه ترى شرهتك ماتنقاس=دحرنا حزة الشيطان وام ابليس مسجونه

عسى الله يظلم اللي يظلمك ياخليف ابن دواس=عسى يالله هدفنا يالعتيبي ماتجي دونه
يقولون المواقف مايجي فيها عديم احساس=ومن باب الصحيح ابغى تقول الصدق ياهونه

[مخلف الهقاوي]

عسى الله يجزي الظالم ويجزي ظالمك بأتعاس=عسى يالله هدفكم يالمطيري ماتصيبونه
اقول الموقف الحاسم تدق من دونه الاجراس=ومن باب الصحيح اقول قولي واثبت ركونه

[بديع القوافي]

المشاركة الأصلية كتبت بواسطة مخلف الهقاوي

عسى الله يجزي الظالم ويجزي ظالمك بأتعاس=عسى يالله هدفكم يالمطيري ماتصيبونه
اقول الموقف الحاسم تدق من دونه الاجراس=ومن باب الصحيح اقول قولي واثبت ركونه

اخوي مخلف الهقاوي
استلم
وتصبح على خير
ورانا صلاة جمعه
وان شاء الله نكمل طاروقنا في
وقت اخر

على مبداء الوفا ياصاحبي والناس صح اجناس=على وضحى النقا يوم(ن) كلً قاضي اديونه
تفضل ياوسيع المعرفه هات الخبر لاباس=نبا ناخذ ونعطي باالخبر والناس يلقونه

آخر تعديل بديع القوافي يوم 17-Aug-2007 في 08:47 AM.

[مخلف الهقاوي]

على مبدا (القلوب الصافيه)ياطيري القرناس=تحلّق بالسما وتصيد لي علمٍ يريدونه
الا ياصاحبي والمعرفه تبغا لها قرطاس=نجيبلك الخبر والناس دون الناس مصيونه

وانت من اهل الخير

نكمل وقت آخر طال عمرك

آخر تعديل مخلف الهقاوي يوم 17-Aug-2007 في 09:00 AM.

[مخلف الهقاوي]

عطنا خبر ان بغيتنا نكمل