قصيدة مرسلة من سعد بن جدلان الأكلبي الى الشاعر متعب ضيف الله الغربي رحمة الله

[الروقي موجود]

قصيدة مرسلة من سعد بن جدلان الأكلبي الى الشاعر متعب ضيف الله الغربي رحمة الله

تجهـز وعـزم بالسفـر ياحديـد العيـن=
على الموتر إلي ينعش القلب فالمشـوار=
ماطب المناطق ينقـل أهمـول بساطيـن=
ولاسوقوبه سوق حـج" وسـوق أشـرار =
مضرا" على قطع الفيافي مـع الساطيـن=
وهو مانقلب زيتـه ولا أهتزبـه مسمـار=
على لوحته مكتـوب مملـوك جباريـن=
وهوما تسلم طارتـه كـود مـع جبـار =
لامنك عطيته ثالثـا" بعـد تـرس اثنيـن=
تناهـض تقـل حربيـة" هزهـا الطيـار =
تقابـس قـزوزه باللهب لانـس البنزيـن=
تقول المقبس لانقطع من خشـوم قصـار=
ولاضحى الضحى ليكم من المنطقه ماشين=
وتلفون في أم سليـم مـع تالـي النهـار =
ولاجيت ساجرمن شمـالا" تلـف يميـن=
ولاجيت ساجر من جنوبـا" تلـف يسـار =
وبدل ماتنشـد قبلـك البيـت قـد العيـن=
بيوت الشيوخ إلـي تباشربهـا الخطـار =
بيوت آل مثعي كلهم في الطلـب وافيـن=
ولادنى سديد وكلهم فـي اللـزوم خيـار =
ولوتنشـدون بكـل لاقطـار معروفيـن=
وعلم الحياء والطيب تبدي بـه الاذكـار =
وسلم على متعب وقل كـل شـيء زيـن=
لكنـا نبـي جيتـك ياوافـي الأشـبـار =
رقبناك في الموعد وباقـي عليكـم ديـن=
ترى موعد الاحرار دينا" على الاحـرار =

[ابوبجاد الرويس]

مشكور اخوي الروقي


وصح لسان ابن جدلان

والله يرحم الغربي

[حاتم العطاوي]

مشكور اخوي الروقي


وصح لسان ابن جدلان

والله يرحم الغربي

[فـارس الـهـيـلا]

مشكوووووووووووووووور يالروقي على القصايد
والله يرحم ابو نادر
وصح لسان الشاعر سعد بن جدلان

تحياتي 511

آخر تعديل فـارس الـهـيـلا يوم 18-Aug-2007 في 06:22 AM.

[هلال الدوادمي]

لاهنت يالغالي

والله يعطيك العافيه

تقبل مروري