شبل المحاني تقدم

[نايف بن ملحق الثعلي]

الليل ياشبل المحاني خلها نار وسعير=والليل توه ماسرى والنار ياشبابها
خلك معي واحسب حساب العلم الاول والاخير=جتني علومن من طرفكم مار انا مارضابها

التوقيع

ما هوب لازم توقيع00

[شبل المحاني]

الليل يانايف وانا عن ماقفي والله ما نير=ما جنب الميقاف واحسب للعلوم احسابها
يانايف الروقي على هونك ترى الدنيا بخير=جاتك علومن كذب ياحسبي على من جابها

[نايف بن ملحق الثعلي]

ياليت بعضات السوالف من جهتكم ماتصير=ياربعنا الغالين حنا مانعرف اسبابها
حنا هل الميقاف واهل الفوز فاليوم الكبير=غصبن عن الحساد ودقون العدا واشنابها

[شبل المحاني]

ماجاتكم منا الخطية لو كبر حبة شعير=لاتدعي بالحجه اللي ماتعرف اكتابها
يانعم والله فيك مار اليوم سيفك فالجفير=والا الفتن بيني وبينك لاتفك ابوابها

[نايف بن ملحق الثعلي]

حناترانا مانبا نحداك للدرب العسير=واللي على غير السنع صاحبك مايبدابها
مادام هاذي خاتمتك اشتال حملك يابعير=كم من بعيرن حملته فوق الظهر زوزابها

[شبل المحاني]

الرجل لامنه مشا في طرقته دايم بصير=لكن بانت بورت الاصحاب عند اصحابها
اصبر على جور الليالي والليالي تستدير=ياللي تعاين فالذياب اللي تحد انيابها

آخر تعديل شبل المحاني يوم 12-Aug-2007 في 01:04 AM.

[نايف بن ملحق الثعلي]

امشي على درب السنع ياراعي الهرج الكثير=اثرك راع النيه الي مختلف هندابها
يالي وردت البحر منت بناقص البحر الغزير=والطيبه نشقابها يوم انت ماتشقابها

[نايف بن ملحق الثعلي]

صح لسانك تصبح على خير

[شبل المحاني]

الريش توه ماضفا ياطير حتى انك تطير=العب على لحون الهوى والعشق يالعابها
بعض الهقاوي تطرح الرجال فالدرب الخطير=ماعاد يعرف صادق العربان من كذابها

[نايف بن ملحق الثعلي]

مادام هاذي حجتك ندهلك السير ويسير=ترى الصقور الجارحة حطتك في مخلابها
الله يكافينا الخطر بعض العرب ماله ضمير=مايستر العربان يارجال غير ثيابها