مساجله بيني وبين مرزوق

[عبدالعزيز بن جودان الرويس]

انا اللي لا بغيت اكتب قصيده= ادور للتماثيل الجديده
ونادي للهجوس بكل صوتي= وقربها بعد كانت بعيده
هجوسي ساعدتني ماتخلت= احوز الصيد وهجوسي تصيده
اصخر شردهن والعوب منهن=وروض كل عاصيةٍ عنيده
احوف القاف لامني بغيته= وصوغ البيت في جمله مفيده
ولامني كتبت ابيات شعري=ادقق بالنظر فيهن واعيده
ومدام اني مع الشعار شاعر=ابا ناقش مواضيعٍ عديده
اشوف الشعر في تالي زمنا= يعيش وعيشته ليست سعيده
تعرض للمشاكل والمصايب= من اسلوب التلاميذ البليده
كأن لسان حاله يشتكيلي=من اللي مدله مده زهيده
قليل العرف لامنه كتبله=قصيده حطها وسط الجريده
يبروز صورته في جنب شعره= ومن شافه يقول اثره وليده
يذيلها بسامي مستعاره=مصيبه كيف يرضى بالنقيده
يحسب انه على الكل امتعلي= وماخلا لمن عقبه شريده
وهو مع سكة الغادين غادي=ويسلك منهجٍ غير العقيده
ولا قلت ان شعرك فيه خله = يصدد عن كلامك مايريده
يباله واحدٍ مثله مفوه= يقول ابدعت وبيوتك فريده
يبين ضحكته لاشافه اقبل=وهو قصده يدبرله مكيده
ولا منه مشا واقفا ودبر= يقول الله علينا لايعيده
ونا ماني مجامل كل ضايع=ابا اوضح له الأ شيا الأكيده
وتبين الخطا امرٍ ضروري=علينا عرف وينه وتحديده
ونا يعجبني اللي بوح شعره= تحس انه من اعقولٍ رشيده
احب الشاعر اللي كل قوله= يخش اعقول خلق الله سيده
سوات الطيب اللي بان طيبه=ابو منذر سعد منهو عضيده
قصيده غير عن كل القصايد=وفي بنك الشعر زود رصيده
يقدمله درر مثل الجواهر= عسا رب الملا منها يزيده
مشا مشيٍ على عرف او بصيره=وحب الشعر يمشي في وريده
اقول الحق ماقدمت غيره=وخلق الله على قولي شهيده
وقاف الشعر قرب للنهايه=وراع الزرع في حروة حصيده
وصلى الله على محمد وسلم= رسول الله لهداية عبيده

وهذا هو رد مرزوق العتيبي

يطيب الكيف في بدع النشيده = واقــدم كل شـــــيٍ نستــفيده
ولا قـــــدم رديــــات المــعاني = عداوه بيني وبين الكســيده
كسيد الشعرما اسمع من يقوله = ولحظة يبتدي ماصير حيده
على الشاعر يمـــيّز في بيوته = ويبنيها على الساس الجويده
وميدان الشعر مفـــــتوح بابه = مجال الشعر واسع وتـعديده
ومن يتعب على الطيــّب يناله = يناله لابــذل جهـــــدٍ جهـــيده
ليامنه بذل جهـــده يوصــــــّل= يصل للمـــــجد بعزوم ٍ شديده
ترى الرجال في وقــت الشدايد = يطقــــك يالحــديده بالحـديده
وهذا شــي مايـــبغي شواهد = مشاهد يا هل الراي السديده
يابو ماجد يابيطار القـــوافي = اعـــدك فارس الشعر وعميده
بيوتك لامعــه مثل الكواكـــب = تلامـع بالمـــــدارات البعــــيده
تلامـــــع بالفـصاحه والجزاله = جمعت الطيب ياعـــمّه وسيده
ومنك الشعرمانسأم سماعه = ومن يســمع لمنظـــومك يفــيده
تقول ان الشعر عـاش بظليمه = تبهذل ما عرف من صار بيده
تبهذل من جهول ٍ بالقصــايد = ماهــمّه غير قافه وتغــــريده
مقاله خالي ٍ من كل مــــعنى = وفيده مايجـــــــمل من يفيــــده
حقيقه مشكله ماهي بسيطه = عواقــــبها ترى ماهــــي حميده
مصيبه لو تبي تنقد وتشرح = تعــــــرض لك شياطين ٍ مريده
وكل ٍ يدعي في وصل ليلى = وليلى قيس غـــيره ماتـــــــريده
جهل بالشعر من يجهل فنونه = سواليــــف ٍ يعصـــّدها عصيده
يحسب انه وحيدا ً في زمانه = وأطـــلق شاعر ٍ ماهو ضديــده
وانا اقول انت صادق في كلامك = قديمه من زمن ماهي وليـده
ولكن للشعر ناس ٍ تصـــــونه = يبثّون الجواهر في صعــــــيده
مدارس من جلس معهم تعلّم = ويصبح فالشعر ما احـــد ٍ نديده
مثل بدر الحويفــي والزلامي = واحدهم لابــدع يطرب قصيده
وعبدالله وغازي والعطاوي = وشعار ٍ لهـم ذكـــــــرى خليده
وبن جدلان والسامر وغيره = وبن ريفه ليا عـــــــدوا عبيده
ومستور العصيمي والرياحي = وملفي يا عسى ايامه مديده
هل الاشعار ما نحصي عددهم = لهم بالشعـــر صفحات ٍ وكيده
وصلى الله على الهادي محمد = عدد ماغــــــرد القمري نشيده

[/frame]

التوقيع

godan3@hotmail.com