 |
|
|
 |
 |
 |
31-Jul-2007, 04:55 PM
|
رقم المشاركة : 1 | |||||
 |
يوسف العصيمي
أنقل لكم هنا قصيدة الشاعر الرائع/ يوسف العتيبي، والتي ألقاها في الحلقة الأخيرة من برنامج شاعر المليون، القصيدة التي ألهبت الجماهير .. قصيدة توزع الجمهور فيها إلى نصفين نصف وقف يصفق بحراره .. ونصف جلس يبكي بحرقة ومرارة ...
يافكري المشغـول للفكـر ميعـاد خلك معي ساعات والوقت محدود أنا هنا بين علـى روس الأشهـاد موجود في الصورة ولانيب موجود تسري بي الأفكار وأغيـب وأنقـاد أرحل عن الواقـع ولاودي اعـود هنا كسبت إعجاب أحبـه وحسـاد وهناك لي موطن وتاريخ وحـدود مانيب ناسٍ صبح بغـداد الأمجـاد اللي حجب شمسه من الظلم بارود أربع سنين وحـزن بغـداد يـزداد ساعاتهـا ونـات وأيامهـا سـود وإن كان في التاريخ صورة لبغداد هذي شوارعها عصابـات وجنـود فيها العباد اجسـاد وثيابهـا لحـاد والموت بالمرصاد والرزق للـدود في مشهدٍ مايوم مـا هـوب ينعـاد ومأساتها من زود في زود في زود الموت لو يرضي بشاعات الأحقاد هو أهون أهوالن تخلي الولد عـود ياخـادم البيتيـن ياذخـر الأسيـاد ياللي برايك صامل الراي معقـود يالحاكم العادل ويالصـارم الحـاد يامزبّن المضهود يالشامـخ الطـود لك سيرة أمجادٍ قديمـات وجـداد يفوح منها زاكي المسـك والعـود ولك حكمةٍ تلجم شياطين الأضـداد ولك هيبةٍ يخضع لها كـل نمـرود واليا ادلهم الخطب والعزم به بـاد لك وقفة يفرح بها كـل مضهـود ياسيف الأمة كـان للحـق ميـلاد إن ما انولد من سيف ماهوب مولود قدامـك المنظـر ثلاثـي الأبعـاد مكشوف للعالم ولاهـوب مجحـود على يدك توحيد صف أمة الضـاد وأنت الأمل لاقالوا الصبر محمـود ياقادة الأمـة نبـي منكـم إنجـاد ضاعت علينا وقتنا أغـلال وقيـود شعبٍ يعيش الغبـن ويـذل ويبـاد قتيـل ومشـرد ولاجـي ومفقـود تنخاكم آهـات الثكالـى بالأصفـاد وطريق مجـدٍ بالملمـات مسـدود تنخاكم الآمـال وأمجـاد الأجـداد اللي لها معكـم مواثيـق وعهـود طبعاً انا مااتابع شاعر المليون الا نادراًوحسب الجو بس هذة الأبيات جداً قوية وتستحق المتابعة بملامح رقيقة هشمها الواقع بس والله صح لسانة فعلا ثلاثي الأبعاد موجود في الصورة ولانيب موجود تسري بي الأفكار وأغيـب وأنقـاد أرحل عن الواقـع ولاودي اعـود الله ورب الكعبة شاعر بس مدري ليش لقال قصيدة يفحط بسرعة وهذا رابط صوتي وللمعلومية ترى لجنة التحكيم تحاول معي لها 2 شهرين لالا استغفر الله يارب شهر ونص يبغوني اصير محكم معاهم بس انا كنت ارفض لانها مسؤلية صعبة جداً ومحب انا اظلم احد وبالقوة الين تركوني بحالي |
|||||
|
 |
 |
 |
 |
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
