قصيده للشاعر بندر بن تركي الشيباني

[الشيباني 2000]

قصيده بعنوان المرجله) للشاعر بندر تركي هليل المرشدي الشيباني


النهر لولا الرافد اللي يغذيه=لابد له ياسعود مايضمحلي
والرجل وإن جازت لربعه شواريه=يبقى كما الحيد الطويل المطلي
يسعد عيون اللي يحبه ويغليه=والخصم كنه فالوقايد يملي
اهجوس قلبي يالبناخي وطاريه=ترهج عليه لين تبحث خفى(ن)لي
تقول عط هذا وهذا تخليه!=تأمر وتنهى!ويش ابعطي واخلي؟
والبيت الأول واضحات(ن) معانيه=دور بديل(ن) في محله يحلي
دور بديل(ن)ماتعثر مجاريه=يجوز لك وأنابعد جايز(ن)لي
كلام من قلب(ن) همومه تقزيه=من واهج التفكير عيا يملي
عيا يمل ويعلم الله مشاكيه=الله يثيب اللي لوضعه يحلي
الجادل اللي جايز(ن)لي تخطيه=اللي كلامه يالبناخي يسلي
ولعه لشغموم(ن) عزومه تهقويه=وهو معود بالدلع والتغلي
ويوجد ثلاث دروب يمه توديه=ونبغى الطريق المستقيم المحلي
نضمن به الجادل ونأمن بلاويه=واللي تمنيته عساه يحصلي




اتمنى ان تحوز القصيده على رضا الجميع (وأعدكم بالمزيد ان شاء الله)[/size][/align]