المحاورة عجيبه بس ليته كانت فيديو وما قدرت الا بذي والجايات اكثر

[خيال العجمي]

بدأ ذيب الشمري وقال . . .

ياالله تفتح علينا مايسعد الحاضرين
ونجيب علمن يسلي ونجيب علمن ثمين
ومطير يسري بعضها يمشي يسار ويمين
فكر وحاسب ضميرك من قبل يوم الحساب . . ..

ساعدونا يا رجال المبادئ والقيم ... والمعاني يامطيري لها صرافها
ابتدينا بالمباراه صفر يا حكم ... والبطوله من نصيبي وانا هدافها


تركي

عطني علومك تراني واقف ولا ازل دربي
والدرب بيني وبينك شرقي ولاهو بغربي
وانت على الدين منت من هل الصرب صربي
فكر وحاسب ضميرك .من قبل يوم الحساب . . ..

السوالف بيننا كنها حبر القلم ... والعيون تشوف قدامها وخلافها
العلم مايرفعه غير رجال العلم ... والحمول نميز ثقالها وخفافها


ذيب

والله ماني براضي عن حال بعض الشباب
العلم تاخذ قشوره وتحوله فالتراب
ياجيل ياجيل تركي جيل الجهل والخراب
فكر وحاسب ضميرك من .. ....

صار في جيبك بلوتوث وابلشت الامم ... حامل جوفه صور ماتعد اوصافها
مخرجات العلم بيدين رعيان الغنم ... كل مانسكت عليها يزيد اسرافها


تركي

اجيالنا يا العمودي نبع الوفا والشهامه
ولا انت وصفك لحاله حرام فوقك عمامه
ماغير تومي براسك تواسي راس النعامه
فكر وحاسب ضميرك ..........

احترم نفسك وخلك معانا محترم ... لاتشوف علوم منا ماغيرك شافها
نعبد الله وانت ياذيب تعبد لك صنم ... لعنة الله فوق الاصنام واللي طافها


ذيب

العلم عبر التجارب يوخذ ويبنا عليه
وانتم هدمتوا قيمنا يا ممكيجين الوجيه
عشرين عاقل ما قابل مليون واحد سفيه
فكر وحاسب ضميرك . . .. . . .

الحضر بثيابهم مايمشون الدسم ... يا رجال تنقل الجهل فوق اكتافها
قبل يستفعل مرضكم ويزداد الورم ... فيه فيروسات لازم يتم ايقافها


تركي

حنا عيال القبايل اصل وفصل ساس بيت
ولا انت لاعرفك لو انك سكنت الكويت
ما معك شي يطلع لك مع الناس صيت
فكر وحاسب ضميرك . . .. . .

ماضي الايلم تمشي على شوك السلام ... اهل مكه والله ان نعرف اشرافها
انت دمك يا العمودي كما دم الحلم ... والعلوم تجمع اسمانها وضعافها


ذيب

للصيت مفهوم باطل بعرافكم يا مطير
اما على قعب تاجر ولانسابة وزير
والصيت حنا معانا نعطيه مفهوم غير
على الضروف الملامه ولا عليك الملام . ...

بين رغبا ت المصابن ورغبات الخدم ... السفينه يضرب شراعها مجدافها
الطيور اللي توقع على راس القمم ... بالسنين التاليه يكثر استنزافها


تركي

الصيت حنا هله من ماضيات السنين
بالرمح والسيف والشلفه وجنب متين
ولا انت صيتك جمعته من يسار ويمين
فكر وحاسب ضميرك . . .. .

وشبلاكم يا العمودي تمصون العجم ... كل شله للعجم تعتري مغرافها
العلوم الطامنه مالها ذوق وطعم ... ارفع الدعوه ورجلك على محرافها


ذيب

ياتركي الفين توك على زمانك جديد
وشلون صيتي تجمع في دولة ابن رشيد
وانت بذيك الليالي حالك وحال العبيد
على الضروف الملامه ولا عليك الملام . .. .

من عدا بن سعود مالي على الكرسي خصم ... والبقيه عالمن ماتلم اطرافها
دير بالك من علوم بها لوم وندم ... باقي علوم ترى ماكنين اكتافها


تركي

الفعل ماينتميلك وانت من اهل العراق
من اهل الحسد والفسد واهل النفاق
والعبد ماهو بنا وانا علي الطلاق
فكر وحاسب ضميرك ... . . .

ماتوقع غيري وسط المفاصل واللحم ... لين بعض الناس حتى الحياه يعافها

[نواف العصيمي]

يعطيك العافيه .. ,,



ولك التقدير والإحترام

التوقيع

[عاشق المخايل]

ما قـصــرت يمــال العـافيه

[ابوبجاد الرويس]

مشكور

والله يعطيك العافيه

[مشاري الحبردي]

طيب وش العجيب فيها ؟

ولاهنت يالعجمي

[فتى الكويت]

اقوى بيت سمعته للشاعر ذيب

ياتركي الفين توك على زمانك جديد
وشلون صيتي تجمع في دولة ابن رشيد
وانت بذيك الليالي حالك وحال العبيد
على الضروف الملامه ولا عليك الملام . .. .

من عدا بن سعود مالي على الكرسي خصم ... والبقيه عالمن ماتلم اطرافها
دير بالك من علوم بها لوم وندم ... باقي علوم ترى ماكنين اكتافها


وفي بيت ثاني في محاوره ثانيه


يقول فيها على تركي

تجاوزون الخطر وتفتشون الدروج

لاشك عندي دواكم يامطير العلوج

سبحان سبحان من خلا المطيري سفير

ايفاوض الناس ويصلح علاقاتها


-----------------------------


بالشعر ما يأدب المطران ياغير ذيب

لاشبت الملعبه صلب عليهم صليب

ايسابق الوقت تركي مثل قلب البعير

واليوم كل العرب يعرف سياساتها

[محمد الزايدي]

مشكوور

ولاهنت

[ابورتال السميري]

ياليت اذا نقلت من منتدى اخر ان تكتب منقول حفظ للحقوق
ماهو قص ولصق وانت ماشي

[فارس الباديه]

بيض الله وجهك ومواضيعك طيبه وننتظر المزيد

[لؤي وائل]

يعطـــــيك العافيه ....

آخر تعديل لؤي وائل يوم 30-Jun-2007 في 01:08 PM.