نشكي نفوس(ن)للشفيحه لقيحه؟؟؟؟

[عبيد المسعودي]

السلام عليكم
هذه قصيدة تحاكي واقعاً موجوداً
واقعاً تغيرت فيه المبادىء
واصبح الحليم حيراناً
أسأل الله جل وعلا
أن يكفينا وإياكم كل شر.................آميين
وإليكم القصيدة

الله لِقلب(ن)للشبايب قديحـــه =ودم(ن)بعرْقِهْ من صوادف رِشَاحي
على جمّة القاف نَـغْرِف قريحــــه = واثْر القريحه مع دموعي طِيـاحي
انْزَع شمالة ديد ذيك المنيــحه = واثر الدّيود مغرزات(ن)شَحَـــــــاحي
نَشْكي نفوس(ن)للشّفيحَه لقِــيحَه = وصَقْه(ن)يحالي عويها بالنّبـَاحي
ناس(ن)تصنّعْ لك وجيه(ن)سميحـه = ونفوسها لسُود المباغض مَرَاحي
كـنّك عملت الباس ويّا جنـــــيحه = ولاّطعَنْت كبودها بالرِّمــَــــــــاحي
لاسَمْعت نصيحه تضيق الفسيحــه = كنّك تذرّ المِلْح وسْط الجــِــراحي
غدَرْها زمان(ن) للمزيحه صريحـــه = وعين(ن)تبارق من لثام الوشـاحي
ويش العجوز الّلي تخزّك شِبِـــيحَه= بعين(ن)تصيب اهدافها كالسّلاحي
تصبح نفوس العز هلكى جــــريحه = واجسادهاتعشعش بدود(ن)طفاحي
سِبّت عجوز(ن)للمرودن لفـيحه = تلبس ردون الغِروْ مَمْسى وصــباحي
تِغْوي رديّ الحظّ يوم النّطـيحه = بغَنْج(ن)لِدُوغ(ن)بالسّموم الذحــــاحي
ولاّ عزيز النفس نفسه سبــيحه = غاصت بحور العزّ ملْح وقــــــــراحي
نفسه عن الغنْجات نفس(ن)سميحه = نفس(ن)بعلم الطيب تصبح لقاحي
ياالله عفوك عن خطايا قبـــيحه = ومن قيد نفس السّو تطلق ســراحي
وبجنة الفردوس نِعْمَ الربـيحه = نهر(ن)ونور(ن)بيض حور(ن)نــطاحي

أخوكم /عبيد فهيد المسعودي النفيعي

[بحر القوافي]

المسعودي



صح لسانك وعلا شانك




لاهنت على الجزله

[ابوبجاد الرويس]

الله الله

صح لسانكـ

وبيض الله وجهكـ

وتقبل مروري يالمسعودي

[فالح الكرنافـ]

صح السانكـ

وبيضـ اللهـ وجهكـ

تحياتيـ لكـ

[أبو صقر]

صح لسانك وسلمت يمناك




تحيتي .......

[مرزوق حمدان العتيبي]

...
.
قصيده شامخه مثل شموخ قايلها ..
...
صح لسانك يابو فهيد ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

صح لساااانك واعتلااااا شاااانك يابو فهيد ...

قصيدةٍ جزله من راس جزل ...

بيض الله وجهك ..

.

اخوك

التوقيع

.....

[عبيد المسعودي]

بحر القوافي
أبو بجاد الرويس
فالح الكرناف
سطام روق
مرزوق العتيبي
أبونجر النفيعي



لاهنتو يالنشامى
وصح بدانكم
وعلاااااااااااااااااااااااااا شانكم
والله يجزل حظنا وحظكم دنيا وآخرة
بس لكن في آخر القصيدة لغز؟؟؟؟
هل لاحظه أحد؟؟؟
وهو الذي يبدأ بقوله(ويش العجوز...........) ومابعدها من الأبيات؟؟؟
يله همتكم يالنشامى
لازم تحلونه
وسلامتكم

[أبو نجر النفيعي]

..

وش رايك .. بــ (( الدنيا ))

.

[راجح النفيعي]

الله عليك يا عبيد المسعودي صح لسانك يا الغالي
قصيده جزله وطيبه وبيض الله وجهك يا الغالي تقبل شكري وتحياتي



أخوك: راجح النفيعي