أسئله... وأتمنى تجاوب بصراحه................ ؟

[ابن بريم المقاطي]

السلام عليكم ورحمة الله وبركاته


اعضاء منتدى عتيبه الهيلا

أسئله ..وأتمـنى تجاوبون بكل صــراحه


1- من انت؟

2-متى اخر مرة ضحكت من قلب؟ وليش؟

3- اخر مرة بكيت من قلب؟وليش؟

4-هل حسيت في يوم من الايام بالضعف؟ومتى كان؟

5-من الشخص الي تتمنى ياخذ فرحك علشان ماتشوفه حزين؟

6-اذا كنت متضايق شنو اول شي تفكر تسويه؟

7-شنو احلى ذكرى في حياتك ومستحيل تنساها؟

8-آخـــر شخـــص تتـــذكــــره قبـــل ما تنـــــام؟!؟

9-شنو تعنيلك هالكلمااات:

البحر :

السما :

الكعبه :

الحب:

الصديق:

10-شنو برنامجك امس؟

11-شنو برنامجك اليوم ؟

12-كم شخص عندك في المسنجر ؟

13-كم سـاعه تجلس ع الكمبيــوتر ؟

14-هل فعلا انت مرتاح في تواجدك في المنتدي و مع الاعضاء ؟

15-عضو يستحق الصداقه؟

16-عضو شفته و عضو ودك تشوفه ؟

17-عضو شخصيته مثل شخصيتك؟

18-عضو تعجبك شخصيته؟

آخر تعديل ابن بريم المقاطي يوم 16-Jun-2007 في 10:12 AM.

[عتــ بلجيك ــيبة]

أخوي أبن بريم أشكرك على حسن الطرح...وجمال الأسلوب..
بدون مقدمات سأبدأ بالإجابه..<<يحب ذالمواضيع


1- من انت؟
ذيب العصيمي..

2-متى اخر مرة ضحكت من قلب؟ وليش؟
من زمان...والسالفه أستعبط على واحد من العيال بالجوال..وهو مقابلني...في مجلس واحد..
يعني...أكلمه ويسبني ويقول مطلع برنت عنك مطلعه..وأنا قدامه أضحك وهو يقول فالجوال..الوعد قدام..
والمشكلة مقابلني بس مندمج..<< تخيلوا شكله مرتفع ضغطه

3- اخر مرة بكيت من قلب؟وليش؟
مابكيت من قلب بس دمعت عيوني...
قصيدة يوسف الأخيرة فالعراق..

4-هل حسيت في يوم من الايام بالضعف؟ومتى كان؟
نفس وقت قصيدة يوسف..حسيت ماهوب ضعفي بل بضعفنا وهوانا على أعداء الإسلام..

5-من الشخص الي تتمنى ياخذ فرحك علشان ماتشوفه حزين؟
أبوي الله يديمه ويخليه.والوالدة كذلك..
وكل مسلم موحد الله.

6-اذا كنت متضايق شنو اول شي تفكر تسويه؟
والله ما أدري..فكري يتشتت.

7-شنو احلى ذكرى في حياتك ومستحيل تنساها؟
نجاح عملية أبوي فالقلب..وولادة أبن آخي..<< ياعنك أحلى ذكريات.

8-آخـــر شخـــص تتـــذكــــره قبـــل ما تنـــــام؟!؟
ماهوب محدد..الطارف من مخي أتذكره..

9-شنو تعنيلك هالكلمااات:
البحر :
الرومانسيه ونفس الوقت الغدر..

السما :
عالم ثاني.

الكعبه :
منظر يجدد شعوري بالطمأنينه والإيمان.

الحب:
في الماضي أحساس..والحاضر لعبة.

الصديق:
صبي تم.

10-شنو برنامجك امس؟
على النت وأتركه للصلاة أو النوم..او مشوار قريب..

11-شنو برنامجك اليوم ؟
على النت وأتركه للصلاة أو النوم..او مشوار قريب..<< مافي برنامج ولا تنظيم

12-كم شخص عندك في المسنجر ؟
من 40 إلى 60..ماني متأكد.

13-كم سـاعه تجلس ع الكمبيــوتر ؟
لاتقل عن 15 ساعه..<< مدمن

14-هل فعلا انت مرتاح في تواجدك في المنتدي و مع الاعضاء ؟
مرتاح جدا..دامني بين ربعي وأعيال عمي..الله يديمه على العز.

15-عضو يستحق الصداقه؟
بصراحه كل الأعضاء خوتهم تنشرى..وكل واحد فيهم له مكانه خاصه بقلبي.دون مجامله.
وإذا لابد أحدد أبو راكان ولا يهون كل من فالمنتدى.

16-عضو جفته و عضو ودك تشوفه ؟
طلعت كويتي يالمقاطي..ههههههه
اللي شفتهم نواف العصيمي...الله يخليه لعين ترجيه
والشاعر حزام العصيمي..بحكم القرابه.
واللي ودي أشوفه كل من هنا..والوعد المزاين..كل واحد يحط أستكر على موتره بأسمه..

17-عضو شخصيته مثل شخصيتك؟
والله مدري..يمكن أسوي مجموعة أعضاء...ويطلع..عتــ بلجيـك ــيبة.

18-عضو تعجبك شخصيته؟
ذيبان..لإنه بصراحه صريح ويجيبها على الجرح..وصارم


أخيرا..تحية إحترام أهديها لك..وشكر من القلب على هيك موضوع أخوي أبن بريم..ودام العطاء.
تقبل موودتي وأحترامي..
أخوك..:
عتــ بلجيك ــيبة

[ابوبجاد الرويس]

مشكور اخوي ابن بريم

من انت ؟؟؟؟
محمد الرويس

ضحكت من قلب وليش ؟؟؟
ضحكت من قبل يوم تركي 2000 ماخذا المليون

بكيت من قلب ؟؟
يوم شاعر المليون قصدية يوسف الاخيره يوم يشكي حال العراق وانا معي اخوي بلجيكـ

متى حسيت بالضعف ومتى كان ؟؟؟؟؟
نحس بالضعف الى الان قدام الغرب

من الشخص الي تتمنى ياخذ فرحك علشان ماتشوفه حزين؟
اكيد ابوي الله يطول عمره

6-اذا كنت متضايق شنو اول شي تفكر تسويه؟
افكر اروح ادوج واطلع للبر

7-شنو احلى ذكرى في حياتك ومستحيل تنساها؟
يوم طلع من المستشفى معافى

8-آخـــر شخـــص تتـــذكــــره قبـــل ما تنـــــام؟!؟
والله افكر بالناس كلهم وش قال وش ما قال

9-شنو تعنيلك هالكلمااات:
البحر : يذكرني بالانتعاش عشان السباحه

السما : يذكر بالمطر والخير والسيول

الكعبه : يذكرني بانشراح الصدر

الحب: يذكرني بجروح والام

الصديق: يذكرني بالاحباط لان مافيه صديق الايام هذي

10-شنو برنامجك امس؟ مذاكره اختبارات اخر سنة

11-شنو برنامجك اليوم ؟ مذاكره بعد

12-كم شخص عندك في المسنجر ؟ مهب واجد حوالي 30

13-كم سـاعه تجلس ع الكمبيــوتر ؟ اربع ساعات

14-هل فعلا انت مرتاح في تواجدك في المنتدي و مع الاعضاء ؟ اكيد لوماني مرتاح مجيته كل يوم

15-عضو يستحق الصداقه؟؟؟ كلهم مافيه قصور

16-عضو جفته و عضو ودك تشوفه ؟؟؟؟ جفته ؟ معرفه معناها ... تشوفه : مشفت ولا واحد اصلا

17-عضو شخصيته مثل شخصيتك؟؟؟ احس متعب قريب شوي وردوده ويشارك ومعجبني من غير بالباقين


18-عضو تعجبك شخصيته؟؟؟ انا اكيد ابوبجاد الرويس

[ابن بريم المقاطي]

يا بلجيك عتيبه والله ماني كويتي يا خوي انا من نجد لووول

الف شكر على رد الاسله بس ترا ميت ضحك هههههههاااي


يا ابو بجاد مشكور خيوووو على الرد وضحكتني يوم قلت روضه 2000



الف شكر لكم

[ابن بريم المقاطي]

تكفون يا اعضاء نبي الكل يشارك القصد

سعه صدر ...

[ذيب السبايا]

موضوع في غاية الروعة يعطيك العافية وشكرا على الزبيحة
نقول بسم الله

1- من انت؟
ذيــــب السبايا

2-متى اخر مرة ضحكت من قلب؟ وليش؟
الحين ضحكت من قلب تدري لية على الدنيا


3- اخر مرة بكيت من قلب؟وليش؟
عكس اجابت السؤال رقم 2


4-هل حسيت في يوم من الايام بالضعف؟ومتى كان؟
اكيد اذا كنت مرضان


5-من الشخص الي تتمنى ياخذ فرحك علشان ماتشوفه حزين؟
احتفض بالاجابة. شف غيرة

6-اذا كنت متضايق شنو اول شي تفكر تسويه؟

اترفس في بطن اول واحد اشوفة

7-شنو احلى ذكرى في حياتك ومستحيل تنساها؟

اااااه لاتقول يارجال

8-آخـــر شخـــص تتـــذكــــره قبـــل ما تنـــــام؟!؟

برضو ااااه

9-شنو تعنيلك هالكلمااات:
البحر .بصراحة الرطوبة والرطرطة تذكرني بجدة الله لايعيدة مرواح

السماء. يذكرني بالامل

الكعبة . راس مالي

الحب. يذكرني بملعنة الجدف هههههههه

الصديق. بواحد الله يعزة

10برنامج امس
والله مادري وش سويت ناسي


11 برنامج اليوم.
هذا في علم الغيب


12-كم شخص عندك في المسنجر ؟
شخص واحد ومسويلة قلق كل يوم مسويلة استضافة


13-كم سـاعه تجلس ع الكمبيــوتر ؟
والله مدري ياخوك


14-هل فعلا انت مرتاح في تواجدك في المنتدي و مع الاعضاء ؟
مايحتاج كلام ياوليدي لو ماني مرتاح شف من متا وانا مسجل وشبة يومي اكون بالمنتداء



15-عضو يستحق الصداقه؟
ماعلى الجماعة قصور كلهم يستحقون الصداقة بدون مجاملة


16-عضو جفته و عضو ودك تشوفه ؟
والله ماجفت ولا عضو يالبناخي لاكن زي ماقال الرجال الوعد المزاين كل واحد يحط استكر

17-عضو شخصيته مثل شخصيتك؟

مافية الى عضو واحد الي هو انا هههههه



18-عضو تعجبك شخصيته؟

بصراحة ولد عمنا هنديــــس الفاخـــر


كلمة ختامية
وش قصتك لك ساعة تسئلني
تعبتني بالكتابة


شكرا لك اخوي على الموضوع المميز وتقبل مني تحياتي ودام عزك يالبناخي

[ابن بريم المقاطي]

اجوبه في غايه الروعه


بس انك عاد فاكهي هههههههههههههااي


الف شكر على الرد والمرور

المشاركه مفتوحه للجميع ترا الدعو سعت صدر

[ابن بريم المقاطي]

يا ربعي شاركونا في ذا الموضوع

[سنافي الهيلا]

من انت؟
محسن الشيباني

2-متى اخر مرة ضحكت من قلب؟ وليش؟
امس , وانا مأضحك الا من قلب ماهي مجامله ( الضحك من غير سبب قلة ادب )
3- اخر مرة بكيت من قلب؟وليش؟
ماعمري بكيت
4-هل حسيت في يوم من الايام بالضعف؟ومتى كان؟
وشلون احس بالضعف وانا عتيبي ؟؟؟؟؟
5-من الشخص الي تتمنى ياخذ فرحك علشان ماتشوفه حزين؟
كل من يعز علي
6-اذا كنت متضايق شنو اول شي تفكر تسويه؟
اتعوذ من ابليس
7-شنو احلى ذكرى في حياتك ومستحيل تنساها؟
سفرت سوريا ولبنان
8-آخـــر شخـــص تتـــذكــــره قبـــل ما تنـــــام؟!؟
ماهوب محدد كل يوم وجه
9-شنو تعنيلك هالكلمااات:

البحر :
غدر وخيانه
السما :
اتذكر المطر
الكعبه :
قبلة المسلمين واجمل منظر
الحب:
فطره في كل انسان
الصديق:
الصديق وقت الضيق
10-شنو برنامجك امس؟
مع عيال العم بلوت ونت
11-شنو برنامجك اليوم ؟
العلم عند الله لاكن اليوم معزوم على عشا
12-كم شخص عندك في المسنجر ؟
47 شخص
13-كم سـاعه تجلس ع الكمبيــوتر ؟
ساعه او ساعتين بالكثير
14-هل فعلا انت مرتاح في تواجدك في المنتدي و مع الاعضاء ؟
اكيد مرتاح
15-عضو يستحق الصداقه؟
جميع الاعضاء
16-عضو شفته و عضو ودك تشوفه ؟
ماشفت ولا واحد
17-عضو شخصيته مثل شخصيتك؟
لايوجد
18-عضو تعجبك شخصيته؟
والله واجد تعجبني شخصيتهم

=================================

[ابن بريم المقاطي]

الف شكر يا ابن مسيب على الاجوابه الرائعه


<<< واثق من كلامه مشا الله هههههههههههههااي