||<->|| الحاكم العادل .. وخادم بيتك // عون الضعوف اللي يظلّ ظلاله ||<->||

[حسن إبراهيم الدجيماء]

تواصلاً في هذا القسم
..
وآسف على الغياب الإجباري
..

بسم الله اللي كلنا نلجا له = ربٍّ كريمٍ ماكسح من جاله !!
المعطي الوهّاب .. مجري كونه = بمَعْرِفتْه .. وعالمٍ بأحواله !!
اللي لو العالم تمدّ وتعطي = ماعادلت مدّه .. ولامكياله!!
أرجيه من عفوه .. ومن غفرانه = وأرجيه يصلح نفسي المحتاله !!
اللي تزيّن لي متاع الدنيا = وتسوق قلبي يمّها .. عزّاله !!
وتجرّني يمّ الهوى واللذّة = وتصوّر المعروف بأبشع حاله !!
البارح الذكرى عليّه سرّت = والجفن عيّا النّوم لايهنا له !!
والهاجس الملعون ماخلاّني = سرّا عليّه رجلي .. وخيّاله !!
عيّا يفاختني .. ويكفي شرّه = وعيّا يطاوعني .. يريّح باله !!
أعلّمه .. وأقول ماهو وقته = مار البلا إني حافظٍ مواله !!
( لاقلت حلو النوم يجذب جفني !! = قال : المعاني ماهي ببطّاله ) !!
طرا عليّ اللي فشهر ذي الحجّة = غادر من بلاده .. وشدّ رحاله !!
على ديار الغرب حثّ ركابه = غصبا .. وخلاّ من وراه عياله !!
اللّي تولّتهم هموم الدنيا = من يوم روّح .. والسعد يبراله !!
أحدٍ فقد وعيه .. وأحد ماصدّق = قطّع أزاريره .. وشقّ بداله !!
وأحدٍ غدا نومه وصحوه واحد = والحال من بعده وهو يرثاله !!
وأنا لك الله من هذيك اللحظه = والدمع مغرق غترتي همّاله !!
لكن رضيت بحكم ربّي .. وأدري = إن القدر كثر السخط ماحاله !!
والعبد لامنّه رضا بأمر الله = علاّ على كل البشر منزاله !!
لكن ياربّي طلبتك ردّه = لعياله اللي يحترون إقباله !!
الكنق أبومتعب حبيب العالم = من جاله الأقصى ليا أقصى جاله !!
الحاكم العادل .. وخادم بيتك = عون الضعوف اللي يظلّ ظلاله !!
القرم إبن عبدالعزيز الصارم = نسل الرجال أهل الظفر والطاله !!
اللي ليا شبّت وثارت هيّه = ماهاب ندّ .. ولاشِرِب فنجاله !!
إهتمّ بالإسلام وأعلى شانه = في خدمته كافح .. وساق أمواله !!
دستوره آياتك .. وهدي محمد = ماحطّ دستور البشر مبدا له !!
كلّه لوجهك يالعليم العالم = والنّاس تشهد له بطيب أفعاله !!
متى نشوفه بيننا متواجد = والعافية تكسي جسَدْه .. وفاله !!
الله يطوّل عمره إلْنا حزّه = ويجيره امن الوقت .. وامن أهواله !!
وثالث عياد المملكة والأمّه = يارب عجّل به .. وهلّ هلاله !!
ويارب تقبل طلبتي ودعاتي = يالمعطي اللي ماكسح من جاله !!
وأختم بصلى الله على أشرف خلقه = محمّد الهادي .. وصحبه .. وآله !!

..

إحترامي لـ / الجميع !!

..

[فهيد مقعد الرويس]

صح لسانك

ملااااااااااااايين

والله يرد ملك الانسانيه سالم غانم

اطيب تحيه

[فهد الشيباني]

صح الساااانك


حتى تررررضى


اللي يرد ملك القلوووووب الى مملكته


مبدع يالدجيمااء


اعجابي بما تكتب

[كعام]

شـــــــــــــــــــــــــــــــــــــــــــــــــ ــــــــــــاعر يالدجيماء

صح لسانك والله يرد ابو متعب ملك القلوب

[حسن إبراهيم الدجيماء]

..

فهيد الرويس
..
صح بدنك .. تيرليونااات
..
والله يقبل دعاتك ويردّه
..

إحترامي

..

[حسن إبراهيم الدجيماء]

..

فهد الشيباني
..
صح بدنك يالغالي مدد بليّا عدد
..
والإبداع يكمن في مرورك ياذيبان
..
على فكرة : ( إعجابك يعني لي الشئ الكثير )
..
والله يجمّلنا مع اهل الطيب
..

إحترامي

..

[حسن إبراهيم الدجيماء]

..

كعاام
..
شهادتك وسام
..
صح بدنك .. وبيّض الله وجهك ع المرور الفخم
..

إحترامي

..

[عبد الكريم العازمي]

صح لسانك حتى ترضى وبعد الرضى وحين الرضى


::


مبدع والله يردهـ سالم وغانم



تقبلني.!

[حسن إبراهيم الدجيماء]

..

عبدالكريم العازمي
..
صح بدنك من الحين إلى يوم يبعثون
..
والإبداع يكمن في تشريفك وتشريف شرواك للنص
..
إحترامي لـ / ك

..

[معلا إبراهيم الأسعدي]

صح السااانك يا حسن بيض الله وجهك قصيده جزله وانت من بيت شعر ولاهو غريب عليك الابداع

التوقيع