شكوا لوالدي الله يطول بعمره...؟

[بدر العمودي]

اصبح او امسي عليكم كلن بوقته
هذي اول مصافحه لي للشعر بحياتي وكانت بموقف لا يسر احد لذلك ستجدون فيها اخطاء بما انها اول قصائدي ولكن لم ارد ان اعطيكم اخر قصائدي وسأتركها للايام القادمه
وموضوع القصيده (بالعامي احسن) ان واحد من اعز ربعي وعشره عمر انا وياه من صغرنا وتركني
لخاطر شباب اهل فلوس على ماقالو وهو من هواة الدينار فبعد اللي صار كتبت هالقصيده اشتكي لوالدي الله يطول بعمره فكانت بدايتي وطبعا هي ابيات وليست قصيده

واقوول:

ابـبـتـدي بـسـم الله رب الـعـالـمـيـن\\\\الـخـالـق المعبود من انس وملاك

فـي ضميري وخاطري بس كلمتين\\\\بـقـولـهـا والـلـي حـصل كنه هلاك

الـطـيب يجزا طيب وهذا من سنين\\\\والـردا مـالـه مـن الـنـاس امتلاك

مـيـر هـذا اليوم صار العكس زين\\\\زيـن لـلـنـاس الـرذيـلـه الله حشاك

نـاس مـاتـنـفـع بـهـم طـيـبـه ولين\\\\توطا عليهم ثم جو ركض(ن)وراك

ماقصد قصيده هم من شي(ن)هوين\\\\ولانـي بقاصد غيرها جعلي فداك

مـانـقـرص من جحر واحد مرتين\\\\ولانـي وربي منقرص قرصه هلاك

حكمه اخذته منك يالشخص الرزين\\\\تـقـول امـسـك به لاتتركها وراك

اتـرك الـيـسـرا وخـلـك فـالـيمين\\\\واتـبـع الـصـادق واتـرك مـن نساك

وسلامتكم:

بدر العمودي

آخر تعديل بدر العمودي يوم 07-Jun-2007 في 04:30 AM.

[ابوبجاد الرويس]

الله الله

صح لسانكـ

وبيض الله وجهكـ

وتقبل مروري يالغالي بدر

[بدر العمودي]

صح بدنك ومرورك مقبول يالغالي ومشكوور

[أبن مزحـــــــــم]

صح لسانكـ

وبيض الله وجهكـ

وتقبل مروري يالغالي بدر