مش ممـــــــــكنـــــــة

[أبو جواد]

مش ممكنه
ودي أشرح شي في صدري يجول
له ثمان سنين وازدادت سنه
مـابد يت السد لرخــوم وخبـــول
راضيا بالوضع ونفـسي مومنه
أرتجي وأقول عل ألقـى حـــلول
والحلول المـمكنة مش ممــكنـة
حال بي الحول والحـال معــلول
أحـتوى حالي وقــلبي مـــسكنة
الفراش الـهم والــفكر الذلــول
والـحاف الغم وصــدري موطـنة
والفضا واسع وأنا عندي ميول
ميـــر مــابـه شـي أقــدر أحــسنة
والحياة دروس والدرس بيطول
صعب جدا مثـــل وضــعي يتـقــنه
سيل جارف لا وربي قل سيول
تــكتــسح روحـي وقـلبـي تـسكـــنه
إن مسكت يمين حملت الحمول
و إن بغــيت يـسار مـصيبة مزمـــنة
وان قعدت أحتار وش ودي أقول
وان سـكــت أغــار ودمـــعي أسجــنـه
وان مشيت أحس في جسمي خمول
وان ركــضــت ســباق مع ذا الأزمنة
ونهاية المشوار عل ألقى حلول
مــمكــنة فـي ذالـزمــن مش ممـــكــنة

كلمات أخوكم (أبو جواد )

أرجو أن تنال على راضكم واستحسانكم ولا أستغني عن توجيهاتكم

[السميــــــري]

صح لسانك يابو جواد ..
وبيض الله وجهك .. على القصيدة ..

وليت تجعل القصيدة منسقه بوضع علامة = بين كل شطر ..
وتنسيق قصيدة ..

تكون أفضل للقارئ ..

أشكرك ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[أبو جواد]

السلا م عليكم ترى ماشاركنا في هذا المنتدى إلى علشان نستفيد ونحاول نفيدكم فأرجو منكم التفاعل مع القصائد حتى وإن كانت لا تستحق التعليق من باب كسب القلوب والتوجية والنقد البناءليس معي بل مع جميع المشاركين ولا يفوتني أن أشكر الأخوه القائمين على هذا المنتدى بيض الله وجيهكم ويعطيكم العافية


والســـــــــــلا , أخوكم أبو جواد

[ابوبجاد الرويس]

صح لسانك يابوجواد

ولاهنت على القصيدة الجزلة

[نجم العتيبي]

صح السانك اخوي ولاهنت على القصيده

[أبو جواد]

أبو بجاد أخوي نجم الله يعطيكم العافية على المرور
السميـــــــــري تعودت منك دايم التوجيهات القيمة لك كل الحب والتقدير