قصيده فالمنتخب السعودي@لشاعر بندر تركي الشيباني

[ابوبندرالشيباني]

هذه قصيده قالها الشاعر بندر تركي هليل الشيباني في انتزاعنا لكاس امم اسيا عام 1984

بعد انتصارات الفريق وحماسه=واجب علي اصف مواقف شهيره
في كوريا يومن ماجد براسه=احرز هدفنا في دقايق خطيره
انعش جماهيره وسوى انتكاسه=للي بعد نصره تدهور مصيره
والموقف الثاني محمد وباسه=حط التعادل في دقايق مثيره
ومحيسن الجمعان صعب مراسه=سجل هدفنا في الثواني الاخيره
وقمنا وقوف وكلن ابدا حماسه=للي رفعنا ضرف مده قصيره
والجدول المرسوم صرنا براسه=فريقنا اللي حققه قبل غيره
وايران جنا ضارين بالفراسه=مغتر بافعاله وضيع مصيره
ابطالنا خلوه يكثر عماسه=ماله جدى غير الدموع الغزيره
كل الفرق معنا يجيها انتكاسه=فريقنا ماخاب والله نصيره
والصين من كثر الغبا والتياسه=تقول انا ابا الكاس والله جديره
وقلنا لها الميدان ياضع قياسه=على مهاراتن تصير الجديره
ثم جا هدف شايع وجات الاناسه=وصاحت جماهيرن تشوفه غفيره
صفق له الجمهور واشعل حماسه=والصين يسمع غير ماله بصيره
وكد لنا ماجد هدف بالسياسه=رغم اعتراضات الدفاع الخطيره
وشفنا الدعيع يوم لوح بكاسه=وكاس البطوله صار لبنا الجزيره
وهذا ثم مجهود راعي الرياسه=اميرنا فيصل عسى الله يجيره
وارشاد ابوفيصل عموده واساسه=اللي الى العليا يقود المسيره

اهداء الى منتخبنا المشترك الان في كاس اسيا
مع تمنياتنا ان يحقق الفوز بالكاس في هذه البطوله
مع تحيات اخوكم ابوبندر

[الـــقـــرم]

صـح لسانك يبو بندر


وصـراااااااااااااااحه القصيده تهيض


والـظاهـر بنقلبها هجوله في هالكاس على سبتك ...

[فهد النفيعي]

الله يرحم ايام ماجد
مع تمنياتي للمنتخب السعودي التوفيق واعطاء الدروس المجانيه