الابل غلاها داخل القلب يادحيم

[نايف الحميدي]

الابل غلاها داخل القلب يادحيم=والمخطي اللي مايثمن عطاها
احبها واحبها حب واهيم= ومن حبها ماسمع لشخصٍ شناها
حب ٍ حقيقي مادخل فيه ترهيم= من مبتداء دنياي لآ منتهاها
يكفيك فالقران ذكرت بتعظيم= في شكلها في صبرها في عناها
سبحان خالقها بحسن التصاميم= ربٍ خلق خلقه وحكٌم بناها
هاذي عطايا الله علي الملازيم= لو شانت الايام يبقى غلاها
سفن الصحاري رمزنا والتعاليم=ياعل مخطين المراجل فداها
واخص وضحٍ فالوطا كنها الغيم= مثل المزون الي تغطي سماها
بيض المزون المكرمات المراديم= لاهٌل وابلها كريمٍ عطاها
ولا كما خيام الملك داخل خريم= في روضةٍ ريح الخزاما زهاها
بنات هرشٍ مادخل ساحة القيم= خطو اوضحٍ زين الوصايف حواها
والطبع فارق مايبا زود تفهيم=من ساس وضحٍ عاليٍ مستواها
حاميه ابن شقران مايلحقه ضيم= ومن مد نصف الكف ياخذ ملاها
سلطان ابو نايف سليل الصواريم= الي نقاها نقوةٍ واحتماها
ماردٌها في مزرعة خبة الريم=ترعا الديار الي وسيعٍ مداها
وضحٍ على ماقيل زينت خراطيم= ياسعد عين الي بماله شراها
دق الرقاب الشامخات المزاميم= مثل السيوف المشهره من خباها
فجحٍ سناد اطوال ماهن مقاميم=جل الظهور الي تفاهق وراها
خرع الاذاني مالحقهن تقاديم=سند الغوارب بالوصايف تباها
هاذي تراها منوتي يالشغاميم= وضح البكار الي عجالٍ خطاها
شفي مع المغتر نهار التعازيم= لالبٌد الراعي وصوتي شعاها
مرباع ولا صيف دايم مواليم= ماحتار في دارٍ بعيدٍ حراها
سجيت معها مالحقني تظاليم= ينزاح همي يوم نتبع هواها
اعيش عمري بين شداد ومقيم= عن زحمة الديره وضيقت فضاها

[/poem]

*

*

نايف الحميدي[/frame][/QUOTE]

التوقيع

[مرزوق حمدان العتيبي]

هاذي عطايا الله علي الملازيـم
لو شانت الايـام يبقـى غلاهـا
سفن الصحاري رمزنا والتعاليـم
ياعل مخطيـن المراجـل فداهـا
واخص وضحٍ فالوطا كنها الغيـم
مثل المزون الي تغطـي سماهـا
بيض المزون المكرمات المراديم
لاهٌـل وابلهـا كريـمٍ عطاهـا
...
صح لسانك ياراع الوضح
ولا يحد بلايمك في حب عطايا الله ...
دام ابداعك ... في هذي ومثلها ..
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فيصل القثامي]

حجز ملكي ..
..
.
لحين العودة للاستمتاع بها .. يامنبع الجزالـة ..
..

التوقيع

[متعب العصيمي]

بنات هرشٍ مادخل ساحة القيـم
خطو اوضحٍ زين الوصايف حواها

البل طرب .. وصح لسانك وبيض الله وجهك..
.. موودتي..

[نايف الحميدي]

ابومحمد



هلا بطلتك يالامير



وعلى قولك\ الله يلوم الي يلومني على حب المغاتير




دمت بعـــــــز

[ماجد الرويس]

يانايف كفيت ووفيت ولاحًد بلايمك

صح لسانك يارع الوضح ابدعت

تحياتي

[أبو نجر النفيعي]

..
ابــــداع منقطع النظير

صح لسانك يا مبدع .. ودمت للابداع ..

.
وننتظر جديدك

التوقيع

.....

[فيصل القثامي]

وضحٍ على ماقيل زينت خراطيـم
ياسعد عين الي بمالـه شراهـا
دق الرقاب الشامخات المزاميـم
مثل السيوف المشهره من خباها
فجحٍ سناد اطوال ماهن مقاميـم
جل الظهور الي تفاهـق وراهـا
خرع الاذاني مالحقهـن تقاديـم
سند الغوارب بالوصايـف تباهـا
هاذي تراها منوتـي يالشغاميـم
وضح البكار الي عجالٍ خطاهـا

..
وش اقول يانايف .. ياداهية ..
يامبدع .. وصف رائع .. وصف لامثيل له
مااركة مسجلة .. في عالم الجزالة .. يبن العم
..
مبدع لأبعد الحدود .. صح قلبك وكلك ..
ولاهنت ياالغالي .. باقة من الورد ..

..

[ابراهيم الزراقي]

صح لسانك وتسلم يالذيب ومايحتاج هذي الابل عطايا الله

[سفير النفعه]

صح إلسانك وعلي قولت أخوي أبو نجر المثقف ( إبداع منقطع النظير )

وهذي عطايا الله لها حق علانا من الشعر